SHILLONG: Tribal Sub Plan (TSP)-ni bak gita Umiam, NEH Region-na Agronomy section, DSRE-ICAR Research Complex, 18-oni 22-ona “Nutrient Management under Or-ganic Production” ja·pang-kattani ning·o sal bongani Training Programme-ko ong·ataha.
Nutrient management, salgro-salaram a·jolo ua-mangni gamrong-surong-gipa ong·anichi, organic production system aro biodiversity ong·anichi dal·begipa janapani ong·a. Maibakai bang·en man·-gijani aro nangnikani gisepo cholrang aro a·jolo dingtang dingtang nang-chongmotgipa nutrient gnanggipa gama-ge·ani-rangko supply ka·anirang donga.
Nongpoh, Ri-Bhoi district-ni Umsaw aro Umpowin songrangni sak 51 gamgiparang aro kam krigipa chadamberangna sal bonga salrangna ong·-atgipa training programme-o iako rakkiaha. Gam-giparangko gisik a·ning bitani a·sal ratiani aro vermi-compost, dingtang ding-tang a·barango bio-fer-tilizer-ko jakkalani aro cropping systems, a·ako porikka ka·ani technique-rang aro a·ako nambatate in-situ crop residue management, crop productivity aro environ-mental sustainability a·jolrango gamgiparangko training on·aha.
Programme-o sulsul bawilwile toksan ge·ani, gipe ge·ani, tangsimgipa a·salko on·na, toksan ge·ani rokom, matchu jile dut man·ani, na·tok jile, do·o jile cha·anirang unagreba a·a mitim aro ong·telaigipa acidity ong·atna organic amend-ment-rangko jakkalna mongsonggipa ong·ani gimin aganaha.
Organic gadango aro synthetic product-rangko chu·sokate organic inte-graty-ni bidingo namgipa ong·ani giminba gamgipa-rangna agan-ma·talataha.
Training-o bakko ra·giparangna motor, dal-kalai, bean indakgipa bitchilrangko, gajol, baring-beltai, pul kobi, banta kobi aro brocoli, neem-ni to aro gama-suanirangko nisigipa jo·ongrangna Trichodern-ma suale on·angaha.
