TURA: Thiruvananthapuram-o donggipa ICAR – Central Tuber Crops Research Institute (ICAR-CTCRI), North Eastern Hill University (NEHU) Tura Campus-ni ning·o donggipa Incubation Centre (MSME Incubator) baksa nangrime, Rainbow Diet campaign project-ni ning·o dingtangmancha Nutriseed Village program-ko a·bachengataha.
Ia Rainbow Diet Campaign-ara Zinc, Iron, Vitamin A, D aro B12 donggipa ma·manti bolam biterangko tarie, cha·ani chu·onggija sagipa bi·sarangna on·na tarigipa nutri-sensitive agricultural project ong·a aro ia cha·anirangko dingtang dingtang bolam bite aro mi-misirang, jekai ta·milang, misi, me·su aro uandakgipa bosturangoniko taria.
Ia Nutriseed Village program-ni ning·o ta·milang aro misi gita dake game ge·e man·gipa bosturangko Anganwadi-rangna aro cha·ani chu·onggija saaniko man·gipa bi·sarangna sualanggen.
Ia Nutriseed Village program-ni ning·o Assam a·dokni Kamrup a·jao donggipa Hajongbari aro Thakurkuchi songrango ta·milang aro misini dingtang dingtang rokomrangko ge·na gita seokmanaha.
Ia Nutriseed Village scheme-ni bak gita dingtangmancha game ge·e cha·giparangna awareness program-ko ICAR-CTCRI, NEHU) Tura Campus-ni ning·o donggipa Incubation Centre (MSME Incubator) aro Guwahati-o donggipa Indian Council of Agricultural Research-Agricultural Technology Application Research Institute (ICAR-ATARI) baksa nangrime, Hajongbari songo donggipa Pragjyotishpur University-o ong·atangaha aro ia program-ko ong·atanio Guwahati ATARI-ni Director Dr G Kadirvel, mongsonggipa sokgipa ong·e bakko ra·angaha.
Ia awareness program-ko ong·atanio Hajongbari aro Thakurkuchi songni sak 50-mangni gita game ge·e cha·giparang bakko ra·angaha.
Rainbow Diet Campaign-ni ning·o Nutriseed Village program-ko a·bachengata
Date:
Share post:
