2023-o lak 15 toursist-rang Meghalaya-ona re·baaha

SHILLONG, Jan 5: Tourism Minister Paul Lyngdoh-ni aganani gitade batanggipa 2023 bilsio Meghalaya a·dokona komibeoba lak 15 songresonggabatgiparang re·baaha,  uarangan mitam a·songtangoni aro mitam gipin a·songrangoni ong·a ine aganaha.
A·dok sorkarini dingtangmancha mongsongbatgipa kamara tourism-o manderangna janggi tangani cholrangko on·anian ong·enga, aro ian namen dal·begipa mingsa chu·sokani ong·a ine aganaha.
East Khasi Hills district-ni Deputy Commisisoner Lyngdoh-ni Sonibar  salo ge·sa office building-ko oprake on·ani somoio aganani gitade Meghalaya a·doko bang·a songresonggabatgiparangko re·baatna gita bang·a cholrang donga jedake nitobegipa waterfalls ba chidarerang, a·kawerang, nitobegipa nikwatgipa biaprang aro namen gamchatgipa pilak daka rikani aro janggi tanganirang bewalrang.
Uni aganani gitade ong·telaigiparang namen itihas-o mingsinggiparang ong·a aro a·doko nikna man·gipa caves ba rong·kolrang nambatsranggiparangoni ong·a.
“An·ching dingtang dingtang cholrangko niate nigenchim ong·ode, ian an·ching sakantini jak on·pae damsan ku·monge dol dake jotton ka·anichisan chu·sokgipa ong·aniona sokdona man·gen” ine Lyngdoh aganha.
Ua aganaha Meghalaya a·dok kosakgipa gadangona sokaha jeon minggipin salgipeng ong·skagen, unbaksana a·dok tangbangangkuna man·genchim ong·ode bang·gija bilsirangni gisepode manderang kamrangko ka·na gita am·anio a·dok sorkarioniko  nichakna nangjawaha.
Mural ba pakmarango dal·bee noksa salaniko Indian Foundation aro the Asian Paints a·dok sorkari baksa nangrime ong·ataha.
The mural ba dal·begipa noksarangko salaniko “Rooth and Rhythm” ine pangchakaniko done sale mesokaha, ian Mario Pathaw’ni changa sapani aro daka rikani sakkiba ong·a.
Lyngdoh noksa salaniko dal·nikchina gitaba aganaha aro ua mongsongbate a·dokni noksa salanio changgipa sapgiparangna dakchakanirangko on·na aro a·dokni daka rikaniko namdapatchina gitaba didie aganaha.
Meghalaya a·dokni dingtangtegipa daka rikani manianirangko dakangkuengon ba maniengon ian man·rikrikbaenggipa ba ja·rikbaenggipa pilak daka rikani bewalrangko ripingangkuna aro mikkangchi nambatatna gita nangchakeanirangko on·a.
Nangrimgimin Indian Foundation, Asian Paints aro a·dok sorkari a·dokni dingtangtegipa daka rikanirangko ripingangkuna aro namdapatna gita on·kanganirangkoba parakataha.
Noksa salani manianiko oprakate on·ani somoio Deputy Commissioner RM Kurbah-ba saksa mongsonggipa sokgiparangoni ong·e dongpagipa ong·aha.