SHILLONG: Shillong seat-oni Lok Sabha election ong·na am·enggipao BJP dolni ticket-o susaangna sak 3 manderang biming on·giparang donga ine BJP dolni a·gipi dilgipa, AL Hek Sukrobar salo u·iataha.
Hek jean party ticket-na da·o susaaoni ong·kataha, Shillong songjinmaoni party ticket-ko man·a ske galgiparangara ukil Fenela Lyngdoh Nonglait, BJP dolni president gitcham Ernest Mawrie aro chadambe dilgipa ticket-ko man·a sikgiparang mong·a.
Iani bidingo party-ni chubatgipa gadangoni bon·kame call ka·atao-mangmangsa pangchakai-gen ine ua rongtalen parakataha.
Party-ni gita tarisam-soanio, Hek indake jana-pataha, candidate-rangni bimingko parakatna ruutatgenchimoba ua chel·chakgipa ong·e, a·-doko aro a·songo Parlia-mentary seat gimiko BJP dol chegen.
Lok Sabha poll ong·na am·enggipana Ram Man-dir-ko oprakanganio BJP dol political kal·na jotton ka·enga ine matnang-atgipani bidingo Hek jegalataha, Congress dol event gimikko boycott ka·anggenchimoba ine ua jegalataha.
“Gimikon mandir, mosque ba gilja nokrangko nokdongga aro changni chang aro Congress dol boycottt ka·a ong·ode ian uamangni ska baseasa,” ine Hek aganangaha. Event gimikko boycott ka·ang-anichi Congress party an·tangan politics kal·-angenga, ijne ua agan-dapangaha.
Yatra gital ba gitcham ong·na man·gen indiba iako moila ong·atnabe ine Congress dolni Bharat Jodo Nyay Yatra-ko cho-nika gnanga aganangaha.
