Bengaluru: (IANS) Congress General Secretary Priyanka Gandhi, re·baenggipa Lok Sabha election-o ge-2 seat-rango Karnataka aro Telangana-o susanaba gnang. AICC-ni u·iattimgipani aganani gita jolni Congress unit-na u·iatanigri Karnataka-ni Koppal constituency-o survey ka·aha, aro uno Priyanka Gandhi-ko Telangana-ni dingtanggipa seat-oni susana ka·dong-soenga. Koppal, Karna-taka-ni district-rangoni ja·man chakgipa ong·a, aro ge-8 assembly segment-rangoni ge-6-o Congress donga. AICC-ni survey-ko jako ra·ani gita Priyanka Gandhi-na uan kenani-grigipa seat ong·enga. Da·omitingo Koppal constituency-ko BJP-ni Karadi Sanganna mikkang-chakenga. Iana skang re·anggipa somoi-rango gitcham prime minister Indira Gandhi-ba bilsi 1978-o Karnataka-ni Chik-kamagaluru parlia-mentary seat-ko chena man·e politic-o atchitaia-niko man·aha. Da·omitingo ua constituency-ko Udupi-Chikkamagaluru seat ine biming donaha, jekon Union Minister of State for Agriculture and Farmers Welfare Shobha Karandlaje mikkangchakenga. Sonia Gandhi, bilsi 1999-o Karnataka-ni Ballary seat-o BJP-ni gitcham dilgipa Sushma Swaraj sagi baksa susagrikaha, aro neng·bee cheaniko man·aha.
