Shillong: Viksit Bharat Sankal Yatra-ni Press Information Bureau-ni ong·atgipa Media Tour-o, Uttar Pradesh-oni watatako man·gipa Media-ni mande-rang Bristibaro Umden-Diwon Eri Silk Village-chi songrenagaha, jean Meghalaya-ni skotong Shillong-oni 70 km chelgipa biap ong·a. Ia songchi songreanganiko Depart-ment of Textile, Goverment of Meghalaya ong·ataha, uni miksonganira Meghalaya-ni namgipa dakrongbaenggipako mesokani ong·aha.
Handloom Department-ni offcial-rangko Design, Innovation and Research Centre (DIRC)-chi rimang-chengaha, jekon 2022 bilsio a·bachengahachim, uamang unbaksanaba National Institute of Fashion Technology baksa bak-rimaha. Watataka man·-giparangna Eri jo·ongkni kildingko maidake ran·ata uko mesokchengaha, jekon joltangrangon man·ronga aro ran·ata aro kam ka·giparang jakalronga. Journalist-rang unbak-sanaba weaver-rang baksa golpoaha, jemangan DIRC-ni Dyeing Shed-o ba·ra dokani kamko ka·a.
Mnisalo mangmang Government of Meghalaya-ni, Department of Textiles, NEHHDC (North East Handloom & Handicraft Development Corporation) baksa apsan melie pilot project “Digitalization of Handloom” product-ko Umden – Diwon Eri Silk Village-o ong·ataha. Artificial Intelligence (AI) driven technology, QR Codes ko a·bacheng-atanichi , kam ka·giparang a·dokni dingtangman-chagipa handloom product ba bosturangni gimin talbatna man·aha aro mongsongbate Eri Silk songni gimin ma·siaha. NEHHDC-ra technology-ni partner ong·a, jean IOT (Internet of Things) devic-ni joltangni jakchi ba·ra dokgiparang QR Codes ko jakalna man·aha, jean bostu bregiparangna bosturangni gimin u·ie ma·sina altugipa chol ong·aha.
Ia chonbegipa Umden song Eri Silk Production-ni gimin mingsinggipa ong·a aro skangonin dakba-enggipa jakchi dokgipa ryndia, stole-ni gimin niksengaha. Iani gimin mikrontangchi nikna gita UP-oni songrebagipa journalist-rang Kong Swerlis Syngklis-ni nokchi re·angaha, jean Eri silk (ryndia)-ko tarianiko mesokaha. Ua team-rang Swerlis Syngklis-ni deme-chik Redolency Syngkli jean Guwahati-o Lab-technician-na porai-engachim, uni Christmas aro New Year-ko manina songtangchi re·bapile, eri silk (ryndia) stole-ko tarina ma·gipana dakchakaniko nike ja·gokmanpilaha.
Ua team ja·mano songni gipin gipin biaprangchiba re·angaha, jemangan eri silk aro gipin jo·onrangchi ba·ra dokani kamrangko ka·engachijm. Media-ni manderang Fly Shuttle Frame Loom-koba niaha, jekon jatchi ganding chinding eri silk ba ‘jainsem’
