TURA: Changbongagipa Meghalaya Games 2024-ko sokachakna gita Tura-o chu·gimik tarisamsoa-nirang matchotaha aro ia kal·susaaniko da·al Sombar sal dipet a·bachengatgnok.
Ia Meghalaya Games 2024-ko a·songni President Droupadi Murmu, da·al Tura-ona sokbaenba, Tura-ni PA Sangma Stadium-o do·ga oe on·anggen aro iana batanggimin sal-rangonin Tura jillao tarisamsotokaha.
Batanggimin bilsi-rangode Meghalaya Games-ko Meghalaya a·dokni skotong Shillong songjinmaosan sokachak-kuengachim indiba ia changode Meghalaya Games-ko skanggipa changna Tura songjinmao sokachakengani gimin ian Tura songjinmani mande-rangna namen mikkim rasongni ong·enga.
Ia Meghalaya Games-o bak ra·enggipa manderang aro official-rang, re·ang-gipa antionin Tura-ona sokbana a·bachengtokaha aro uamangko Tura-ni Inter State Bus Terminus (ISBT)-o rimchaksoenba, biming-rangko segattokaha. ISBT-o register ka·ani ja·man, Meghalaya Games-o bak re·bagipa manderangko, uamangko donchakna tari-sogipa dingtang dingtang biaprangona salangaha. Koborko on·ani gitade, ia Meghalaya Games-o bakko ra·enggipa dol-rangoni bon·kamgipa dolrang, mijal Robibar pringo Tura-ni ISBT-ona sokbaaha aro uamangko Meghalaya State Olympics Associa-tion (MSOA)-ni president John Kharshiing baksana Meghalaya Games-ni offi-cial-rang rimchaksoto-kaha.
Meghalaya Games-ko da·al dipet officially a·ba-chengatengoba, me·a aro me·chik dolrangni robol kal·susa-anikode re·anggipa an-tionin a·bachengataha-chim. A·songni President Droupadi Murmu da·al Sombar salni bako Tura-ona sokbaengani gimin Robibar salo dingtang-mancha police-rangni dake nianikoba ong·atangaha aro ia dake nianio, ramarango re·ruraenggipa gari gorarangkoba adita somoirangna dontongat-chengaha. Ia chang 5-gipa Meghalaya Games-o gimik sak 3000-mangni gita kal·susagiparang, ming 23 kal·susaanirango bakko ra·anggen aro ia kal·-susaanirangko Tura song-jinmani dam 16 biaprango ong·atanggen.
