Tura: 2024 bilsini January 15 tariko chang 5-gipa Meghalaya Games-ko dal·begipa oprakanina tarisamsoan baksa da·al pringni somoio Tura-o kal·susagiparang aro official-rang sokbatokaha.
Meghalaya Gamaes 2024-ona Tura-ni ISBT-ona bon·kamgipa batch kal·susagiparang aro Meghalaya State Olympic Association (MSOA) aro District Administration of West Garo Hills-ni sokba-gipa official-rangko jatni dakbewalo rimchaksoaniko dakaha.
January 15 tariko jensalo India-ni President Smti. Droupadi Murmu Tura-ni PA Sangma Stadium-o chang 5-gipa Meghalaya Games-ni do·ga oe on·ange itihas-ko bikotgen. Ian skanggipa changna itihas-o Meghalaya Games-ko Shillong-ni a·palo ong·atenga.
Kal·susagiparang jemangan ISBT, Tura-ona sokbaa…..
(Mitam jak 4-o)
Meghalaya Gamaes 2024-ona Tura-ni ISBT-ona bon·kamgipa batch kal·susagiparang aro Meghalaya State Olympic Association (MSOA) aro District Administration of West Garo Hills-ni sokba-gipa official-rangko jatni dakbewalo rimchaksoaniko dakaha.
January 15 tariko jensalo India-ni President Smti. Droupadi Murmu Tura-ni PA Sangma Stadium-o chang 5-gipa Meghalaya Games-ni do·ga oe on·ange itihas-ko bikotgen. Ian skanggipa changna itihas-o Meghalaya Games-ko Shillong-ni a·palo ong·atenga.
Kal·susagiparang jemangan ISBT, Tura-ona sokbaa…..
(Mitam jak 4-o)
Meghalaya Grassroot Music Project dolni gita git-rangko ringe rimchaksoanirangko dakangaha, jeon uamangni kal·susao ka·donganiko, bilaniko aro gisikni chuatako man·anggen.
President-ni wenba-anina protocol-rang baksa dal·begipa oprakani salo name dake maniangna man·a gita PA Sangma Stadium-o chu·gimik chola barangko ganne chinne rehearsal ka·angaha.
Chang 5-gipa Meghalaya Games-o ming 22 kal·susaani gimiko sak 3,000-ni gita kal·susa-giparang bak ra·angenga, jeon Tura songjinmani dam 16 biaprango kal·anggen.
Kal·susamiting somoio saknaanirangko man·-giparangna ISBT-o sanna banani baksa on·angenga, ine u·iataha.
Caption: 2024 Meghalaya Games-na Tura, ISBT-o bon·kamgipa batch-onan West Garo Hills-ni Meghalaya State Olympic Association (MSOA) official-rang aro District Administration jatni dakbewalo rimchaksoaniko dakangaha aro Tura ISBT-o Meghalaya Grassroots Music Project doloni gita sokbagipa kal·susagiparangna git-rangko ringanichi ka·donganiko on·angdapaha.
