SHILLONG: Umiam Dam-ko taridapengani a·sel ia rama gita re·ruraenggipa manderang neng·nikani-rangko chagrongna nang-tokengon, ia dam-ko matchotna gita komibeoba jadokmang nangkunaba gnang ine official-rang u·iatskaaha.
MeECL official saksani u·iatani gitade, ia Umiam Dam-ko taridapanio, Robi-bar salona agrede salantian konta 24 kam ka·enga indiba kam ka·giparang, gisepgrikode neng·take kamrangko ka·tokenga.
Shift ge·prako, sak 20 ba sak 22 manderang, kam-rangko ka·enga ineba official parakataha.
MeECL official-ni aganani gitade, MeECL-ni dal·dalgipa official-rang, salantian Umiam Dam-ona re·ange taridapani kam-rangko nienga.
Indake ong·genchi-moba kamrangko niam gitasa ka·engani gimin aro dam-ko scientific bewalosa taridapengani gimin somoi-kode nangaigen ineba official-rang parakataha.
Ia Umiam Dam-ko taridapna a·bachenga inta-lan ia biapo gari gorarang, ru·uta somoi-rangna ja-change dongna. nan-grongengani a·sel man-derang, aro mongsongbate Guwahati airport ba railway station-rangona re·ang-enggipa manderangde neng·nikanirangko chagrongna nangtokskaengahachim.
Indake ong·engon, ia biapo gari gorarangni re·ruraanirangko nirokna gita bang·bate manderangko rakkichina Ri Bhoi a·jani DC-ko MeECL official-rang didiataha ine u·iataha.
