Rahul Gandhi-ni Bharat Jodo Nyay Yatra January 22 tariko a·dok sokbagen

SHILLONG: Bharat Jodo Nyay Yatra-ni bako January 22 tariko Rahul Gandhi a·dokona wenbagen ine State congress Sukrobar salo u·iataha.
Jorabat-o Meghalaya Pradesh Congress-na Yatra-ni nisanko Rahul pakwate on·anggen ine Opposition dolni dilgipa aro Congress MLA, Ronnie V Lyngdoh koborrangko u·iataha. Uni ja·mano ua Mongpoh-ni DTO point-ona sokbagen jeon ua Pahamsyiem Stadium-ona ja·achi re·chakatanggen aro attam 4 bajio mande jinmana aganprakanggen.
Mande jinmana aganani ja·man Rahul Gandhi Byrnihat-ona re·chakatanggen jeon ua neng·takgen aro wal waltuenba pring gipino NECCC dilgliparang baksa USTM-o tom·bimonganio dongpagen aro mande jinma aganprakanggen, aro ua uni yatra-ko dakangkugen.
Yatra-ni gita, Rahul tang·doenggipa damrang baksana dingtang dingtang nangchongmotgipa nanganirangni gimin sing·doangna cholko man·gen jean ramramgipa manderangko saknaatenga, BJP sorkarini gita songsalni bilgribatgipa section-rangko galchipa, me·chikrangni kosako ka·namgija daka, democratic tarigiparangko nosto ka·e gala, Election Commission wagam grigipako breanganichi, am·sandigipa dol agency-rangko opposition-ko basee nisan dona jakkalanga aro sorkarini kosako agangiparangko uamang jripataha, ine Lyngdoh aganaha. Uni parakatani gitade, Bharat Jodo Nyay Yatra ian apsan ku·cholsan ku·rang on·angna, ka·mikenatgipa gimikni kosako dakgrikna jatsan ong·e re·chakatani bidingo namgipa bewalo Rahul Gandhi-chi dilenga.