Resubelpara: North Garo Hills’ District Adminis-tration, mijal salni bako North Garo Hills Resubel-para, Mini Secretariat-o 52-gipa a·dokni jakgitel ong·a-ni sal ba Meghalaya Day-ko maniangaha.
A·dokoni jakgitelani salko bilsianti January 21 rariko manironga indiba ia chang ba bilsio 21 tarik Robibar sal ga·akani gimin salsa skang da·al manigija mijalo maniangskaaha.
A·dokni jakgitel man·a-ni sal mongsonggipa ong·-aniko district-ni a·gipi songpanggipa mande-rangoni AH aro vety-ni Director gitcham Retd ong·gipa Marquish Sang-ma aro Redt, Soil aro Water conservation officer Wil-lingberth Marak tom·ba-gipa manderangna agan-china okamako man·e man-derangna aganao a·dok jakgitel man·ani gimin see rakkigipa itihasko uamang aganaha. Aro ru·utbea bilsirangna a·dok jakgitel man·a dakgrikani ja·mano chu·sokgipa ong·ani aro namroro-silroroani gimin aro a·dokni dingtangroro-baaniko nikani gimin aganaha. Jakgitelgipa a·-dokko man·a rally-o je-mangan mongsonggipa ong·gipa joltangni dilgipa-rangni bimingrangko aro a·dokko bimang ong·atgipa pagitchamrangko mande ra·aniko dakaha. Mamgipa manderang nakatatchina aro a·dokni namroro-silro-roanina dal·roroaniko aro mikkim-rasongko ra·ba-china agan-giparang song-panggiparangko didiaha.
Resubelpara-o a·dokni jakgitelanina dakgrikgipa matgrikrangko gisik ra·a
Date:
Share post:
Programme-o jemangan aganaha gipinrangni gisepo T.R Marak, ADC in-charge Deputy Commis-sioner, NGH, Kapil Koch, ADC, PT D Sangma, ADC aro Liam Tesat Momin, AC & BDO, Bajengdoba C&RD block, NGH ong·a. Pro-grammeni bak ong·e, dist-rict-ni Fishe-ries depat-o kam ka·gipa Ajith Marak-na uni department-na nambat-gipa kam ka·gipa ong·ani gimin award-ko on·aha.