TURA: January-ni 26 tariko Meghalaya a·dokni dingtang dingtang biaprango Republic Day-ko manidilna aro nisanrangko badale on·na gita Meghalaya sorkari, dingtangmancha dilgiparangko sualataha.
Sorkari official-rangni u·iatani gitade, Meghalaya a·dokni skotong Shillong songjinmao a·dokni Governor Phagu Chauhan, mongsonggipa sokgipa ong·e a·songni nisanko badale on·anggen aro Tura-o a·dokni Chief Minister Conrad K Sangma, mongsonggipa sokgipa ong·e bakko ra·angskagen.
Jowai-o a·dokni Cabinet Minister AL Hek, a·songni nisanko badale on·anggen aro Resubelpara-o a·dokni Deputy Chief Minister Sniawbhalang Dhar, badale on·angskagen.
Williamnagar-o Minister Rakkam A Sangma aro Mairang-o a·dokni Minister Comingone Ymbon bakko ra·angskagen.
Mawkyrwat-o Cabinet Minister Kyrmen Shylla bakko ra·anggen aro Ampati-o Cabinet Minister Marcuise N Marak bakko ra·angskagen.
Nongstoin-o Cabinet Minister Dr M Ampareen Lyngdoh a·songni nisanko badale on·anggen aro Khliehriat-o Cabinet Minister Shakliar Warjri badale on·angskagen.
Baghmara-o Cabinet Minister AT Mondal, mongsonggipa sokgipa ong·e bakko ra·anggen aro Nongpoh-o a·dokni Deputy Chief Minister Prestone Tynsong, bakko ra·angskagen.
Una agreba Sohra Civil Sub-Division-o Cabinet Minister Paul Lyngdoh, Amlarem-o Lahkmen Rymbui, Dadenggre-o Brening A Sangma, Pynursla-o Banteidor Lyngdoh, Chokpot-o Sengchim N Sangma, Raksamgre-o Limison D Sangma, Mawshynrut-o Santa Mary Shylla, Ranikor-o Pius Marwein, Patharkhmah-o Damanbait Lamare, Jengjal-o Assembly-ni Deputy Speaker TD Shira aro Hima Shangpung (Laskein C&RD Block)-o Wailadmiki Shylla, mongsonggipa sokgipa ong·e bakko ra·anggen ine u·iataha.
