TURA: Garo Hills-ni bang·a district-rango district administration-rang paltangtang gita tom·anirangko ong·ate mijal Bristibar salo 14-gipa National Voters’ Day-ko maniaha.
West Garo Hills Tura-o DRDA Conference Hall-o Deputy Commissioner (Election) ong·atgipa tom·ao puongiparangni ku·rachakaniko ra·aha. Ia bilsini National Voters Day-ni ja·pang katta “Nothing like Voting, I Vote for Sure” ong·a aro ian re·anggipa bilsini ja·pang katta ong·kuenga.
West Garo Hills Deputy Commissioner, Jagdish Chelani tom·bagiparangna aganao democracy songsalo puongipa sakantini gunko agan-talataha, democracy-ni gunni bidingo gisik ra·pilatgipa ong·e ua sal kam ka·a, a·songni sokna nanggipa songreaniko bimang ong·atanio puongiparangni mongsonggipa kamko ka·anikoba agan-mesokaha. Puonani democratic songsalo mongsonggipa kamko rim·aniko janape puona bil donganiara niam bidikni niamko ja·rikasan ong·aija indiba mikkangchi bilrangni daitoba ong·a jean lekka-pora skia man·a dakchakaniba ong·a aro democracy-o uamangni bil aro daitoni bidingo manderangna u·iataniba ong·a. Unagreba chadamberangrangko aro ia bilsio ong·gnigipa Parliamentary Election-rango bimchipe bakko ra·na gital biming segatgipa puongiparangko man·chape ua puongiparangna skie on·a, a·al ong·kate ka·gipa kamrango bakko ra·na aro awareness-ko on·a ia salni mongsonggipa miksong-chanchianiko janpe ua sakantiko didiaha.
Tom·ao Voters pledge-ko Chief Guestp-chi a·bachengataha. Skango India-ni Chief Election Commisisoner Rajiv Kumar-chi Message for National Voters day-ko tom·ao screen-o mesokangaha. Chief Guest gipin niksenggipa dilgiparang baksa Best Booth Level Officer-rangko mande ra·aniko dakaha aro West Garo Hills District-ni ning·o bilsi 18-19 ong·gipa gital biming segatgipa puongiparangna EPIC card-rangko Certificate-rangko aro Memento-rangko on·ao suale on·angjolaha.
Ampati: Mijal Bristibar salo Ampati-ni Multi Facility Centre-o National Voters’ Day-ko gisik nange maniaha. Ua maniao Police-ni Deputy Commissioner RP Marak, Police Superintendent Vikas Kumar, ADC-rang gita niksenggipa manderang tom·ao mikkim chaataha aro BDO-rang, bang·a dingtang dingtang department-rangoni official-rang, Deputy Commissioner Office-ni staff, BLO-rang, District-ni niksenggipa dilgiparang, political party-ni memborrang, poraigipa chatro-chatrirang aro Ampati-ni songpanggiparangrang dongpaaha.
Tom·ao district-ni namgipa BLO-rang, Ganjuram Koch, Soron Ch Sangma aro Meherunisha R Marak uamangni dingtang dingtang polling station-rango ra·chakna kragipa kamrangko ka·anina uamangni kamko agan-mesoke uamangko mande ra·aniko dakaha. Programme-o dongpagiparangko District Election Officer dilangaha, Voter’s Pledge-ko ra·aha aro songpanggipa sakantini dakna nanggnini gimin aganaha.
Tom·ao gital biming segatako man·gipa voter-rangna uamangni EPIC card-rangko on·aha. District-ni Indian Blind Football team-ni niksenggipa membor Klingson D Marak uni u·i-ma·sianirangko agan-talataha aroba Chesrang N Marak aro Jebilbang M Sangma Meghalaya Blind Football Association-ni dilgipa ong·e gisik ka·tongo nangchakegipa git mingsako ringaha.
Electoral Literacy Campaign-ni gita noksa salanirangko aro toreaniko sesusaanirangko ong·ataha, Brediana N Marak aro Abhik Hajong noksa salsusao namgipa gadangko man·aha aro Brenosa M Marak aro Abigail R Marak toreaniko sesusao nambatgipa ong·skaaha.
Chief Guest RP Marak, District Election Officer, National Voters’ Day-ni agan-talataha aro jemangan gipin district-ona jitangaha ba siang-bon·angaha ua songdonggiparangko ma·talchina songdonggiparangko didiaha. EPIC card-rangna bilsi gapgiparang biming segatna nangchongmota, namgnirang chu·onggijanirangko man·chape polling station-rangni chagrongenggopa neng·nikanirangko ua aganaha.
Superintendent of Police Vikas Kumar, BLO-rangko aro skanggipa changna puongiparangko uamangni u·i-ma·sianiko agananina mittelaha aro sorkarini policy-rangko bimang ong·atanio bimang ong·atgipa puonani bilko ua aganaha. Democratic system-ni bak ong·anio ua rasong chaaniko agan-janapaha.
Resubelpara: Mijal Bristibar salo 14-gipa National Voters’ Day-ko a·songni gipin gipin biaprango manianirang baksana North Garo Hills Resubelpara-ni Mini Secretariat-o District Election Office-ba maniangpaaha.
Deputy Commissioner (Election), A K Singh chief guest ong·e tom·bagiparangna aganao puonna bil-rengsi man·aniara mongsonggipa ong·ani gimin aganaha aro electoral system-ni ning·o biming segatchina puona man·gipa pilak puongiparangko didiaha.
Rongtalgipa democracy-na ethical voting-ni bidingo awareness-ko gipatchina tom·bagiparangko ua didiaha.
EPIC-rangko gital biming segatako man·gipa voter-rangna suale on·angaha aro District aro Village level SVEEP niksenggiparangko programme-o chief guest mande ra·aniko dakaha.
Programme-ni miksong-chanchiani bidingo tom·bagiparangna agangiparangni gisepo gipinrang Kharkutta aro Resubelpara (ST) AC-rangni ADC aro ERO Nipon Hajong aro North Garo Hills ADC (Election) Kapil Koch-ba aganpaaha.
