SHILLONG: NPP candidate, Ampareen Lyngdoh, ong·nasienggipa Lok Sabha election-rangna uni campaign ka·aniko a·bachengataha aro election-o puonchina ua voter-rangko didiaha.
Mijal Brtistibar-o Mairang-o uni camoaign-ko ka·chakatataha aro uni mikkangchake susagiparang gita uko apsan ra·china ua manderangko didiaha.
“Anga me·a ba me·chik MLA ong·chong anga manderangni MLA ong·a anga me·chik ong·a ine aganjachina chongmote anga rake kamko ka·gen aro na·simang seokode anga me·asa dilgipana komigijani sakkiko na·simangna mesokgen. Me·chik maiko dakenga? anga je kamko ka·aha aro chu·sokataha ua kamrangoniko nie na·simangni MP-na angko seokbo. Angko seokbo maina ango u·i-ma·siani donga aro anga Delhi-o party golpomangimin dongaha. Maina anga me·chik ong·a ine angko seokjaode jada nikaignok. Anga Meghalaya-o donggipa ong·e anga da·alo iano ong·enga aro anga dakgrikgen aro rake kamko ka·gen anga ka·dongenga,” Lyngdoh aganaha
Ia somaio aro changsatai songsalni dingtang dingtang bakrango Meghalaya me·chikko noko dongipa a·dok ong·aonin me·chik MP-na ka·dongna man·ani gunko Lynghdo agantaiaha.
NPP party kam ka·gipa aro kamrangko chu·sokatgipa ong·a aro election-mitingosan kam ka·sigipa aro ata ka·e galgipa party ong·ja, ua agandapaha.
Ja·mano kobor ra·timgiparangna aganao MP a·bachenga gadango ongona aro manderangna agan-talate aro ramramgipa political-ni mamlarangko ma·talate on·a nangenga ine Lyngdoh aganaha.
“Ia kam gimikan namenga gita anga nikenga chanchienga indiba namgopa biteko man·a chanchiani aro niaiani orto dongja. Uni gimin anga agangrikna re·na nanga aro anga iako namen dakenga re·baenggipa ja gittamo salantian anga wengen,’ Lyngdoh aganaha.
Uni kosako susagiparangko matnangna jechake ua darangni kam ka·anikoba bichal ka·ja ine Lyngdoh aganaha.
“Ge·sasan dongaiagipa Shillong parliament seat-na bil-sason ka·enggipaoniko MO-ko manderang Shillong parlimantary seat-ni dilgipana Delhi-ona watatode anga ru·utaona man·aniko man·batgen anga chanchimana,’’ MP-na cheani ja·mano constituency-o MP donga ine nikna man·gen ua aganaha.
