Union MoS, SWGH-chi re·anga, district officials, beneficiaries baksa golpoa

Ampati: Sorkarini on·atgipa dingtang dingtang scheme-rangko jakalanio maidake kam ka·e uko nina re·angaha, Ministry of Development of the North Eastern Region (DoNER), Dr Bhagwat Kishanrao Karad, Union Minister of State for Finance, Sonibaro South West Garo Hills (SWGH)-ni Ampati-chi wenangaha.
Dr. Karad, jekon Tura-ni MP, Agatha K Sangma, Rangsakona MLA, Subir M Marak, Deputy Commissioner, R.P. Marak, Superintendent of Police, Vikash Kumar-mang dilangahachim, ua skanggipa changna district-ni headquarter-chi wenaganio ua biap dam gittamchi re·ange agangrikaniko dakaha.
Minister, Ampati Circuit House conference hall-o ADC Dr. Rezina CH Marak-ni presentation on·ani gita Central-ni on·atgipa scheme-rangko a·bachenganio namroroani aro neng·nikanirangko chagrongani gimin kan·dike aganaha, ua somoio dingtang dingtang department-ni official-rangba bak ra·aha.
Minister, Prime Minister Narendra Modi-ni ning·o on·atgipa central scheme-rang aro a·dok sorkari jako ra·ani bidingo nipiltaianiko dakaha aro dingtang dingtang scheme-rangko district-rango a·bachengatanio chu·sokanina chu·ongnikaha, aro Northeast a·jolrango ia scheme-rangko namroro silrorona apsan melie kam ka·na nangnikaniko aganaha.
Dr Karad una agreba tangkarangko bariroroatna nanganiko aganaha, jean mongsongbate a·bri jolrango ong·bata, jekon bipekrangko songdapanirangchi ong·na man·gen. Ua iani gimin Chief Minister Conrad K Sangma baksaba agangrikaha, namroro silroroatna bipekrangko ra·badapna jotton ka·ani gimin parakaha.
Minister una agreba healthcare service-rangko namdaproroani gamchatani giminba  aganaha, nambatgipa samrangko bang·batroroatna miksongenga aro Ante Natal Checkup aro Institutional delivery percentage-koba tang·doatna ka·donganiko on·aha.  Ua, una agreba Pradhan Mantri Matru Vandana Yojana-ni ning·o an·o donggipa ma·giparangkoba biming segatchina didiaha, maina uni gita institutional delivery ong·giparang tangkani gita dakchakaniko man·gen.
U·iate on·a nangani bidingo Dr. Karad, sorkarini on·gipa scheme-rangni gamchataniko jekai Pradhan Mantri Suraksha Bima Yojana ong·a, uni gita bilni ning·o donggipa accident insurance-ni gimin aganaha. Ua, Jal Jeevan Mission-ni district-o namroroani gimin kusi ong·chakaha, aro Pradhan Mantri Gramin Aawas Yojana-ni gimin ma·siate on·ani aro jakalanio namdaproroatani gamchatgipa ong·a ine aganaha.