Tuesday, April 23, 2024
spot_img

WKH-o Artificial Football Turf-ko tarina CM-ni jakchi pangchakaniko songa

Date:

Share post:

spot_img
spot_img

A·ja damantion kal·chakram biaprangko namdapatnasa M’laya Games-ko suale ong·atenga: CM

SHILLONG: West Khasi Hills a·jani Riangdo kal·chakramo Artificial Football Turf-ko tarina gita Sukrobar salo, a·dokni Chief Minister Conrad K Sangma, pangchakaniko songe on·angaha aro ia tom·anio a·dokni Sports & Youth Affairs Minister Shakliar Warjri, Mawshynrut-ni MLA Methodius Dkhar, West Khasi Hills a·jani Deputy Commissioner Garod Dykes aro dingtang dingtang dilgiparangba bak ra·angaha.
Riangdo kal·chakramo Artificial Football Turf-ko tarina gita pangchakaniko songe on·anganio a·dokni Chief Minister, jinmana aganprakengon, a·dokni pilak biaprangon kal·susaanirangko namdapatna gita sorkari, kal·chakram biaprangko taridape on·enga aro a·ja damnation kal·chakram biaprangko namdapatna gitasa Meghalaya Games-ko ia bilsi dipetan bilsianti, dingtang dingtang a·jarango ong·atna tik ka·aha ine parakataha.
Riangdo robol kal·chakgipa biapara, Riangdo-ni manderangnasan ong·aigija samba jolo donggipa manderangnaba namen nangchongmotgipa ong·a ineba ua aganaha.
“Meghalaya a·dokni bilsi 52 gapanio ia kal·chakramko taridapna gita darang sorkarian tangka paisarangko chame on·a dongkuja indiba Riangdo jolrango robol kal·na gisik nanggipa manderangna ia sorkari, dingtangmancha Artificial Football Turf-ko tarina gong crore 10-mangko chame on·enga aro ia kal·chakramko ja 18-ni gisepon matchotate on·na somoiko donenga,” ine Sangma aganaha.
Batanggimin bilsi 45-ko nisusaate nigenchimode ia sorkari, batanggimin bilsi bongani gisepon stadium-rangko aro dingtang dingtang kal·chakram biaprangko bang·bate tarie on·aha ineba Chief Minister parakatataha.
“Ian chadamberangna uamangni gisik nanggipa kamrango chu·sokaniko ra·bana gita sorkarini on·kange kam ka·aniko mesokani ong·enga,” ine ua aganaha.
Khelo India Youth Games-ni robol kal·susaanio chegipa ong·baahani gimin Meghalaya a·dokni robol kal·gipa dolko mittelpilangengon, ia chadamberangni iandake chu·sokaniko ra·baaniara a·dokna mikkim rasongko ra·baani gita ong·aha aro ian a·dokni chadamberangba gipinrangna bate ja·manchakgiparang ong·ja ine mesokaniba ong·aha ine Sangma parakataha.
West Khasi Hills a·jao kal·chakram biaprangko tarisona man·aha ong·ode bilsianti ong·atenggipa Meghalaya Games-ko mikkangchi West Khasi Hills a·jaoba sokachakna man·gnok ineba Chief Minister parakataha.
“Chinga kal·chakram biaprangkosan namdapatna krengaigija, a·doko kal·susaanirangko nambatatna gita dingtang dingtang sports association-rang baksa nangrime kamrangko ka·angkugen,” ine Sangma aganaha.

spot_img
spot_img

Related articles

BJP winning 35 seats in Bengal will guarantee freedom from illegal infiltration: Amit Shah

Kolkata, April 23: If the BJP winning 18 seats in West Bengal during the 2019 Lok Sabha polls...

Congress still in a dilemma over Khammam Lok Sabha ticket Hyderabad, April 23

Hyderabad, April 23: With just two days to go for the filing of nominations for Lok Sabha elections...

CM Kejriwal, K Kavitha’s judicial custody extended in money laundering case till May 7

New Delhi, April 23:  A Delhi court on Tuesday extended till May 7 the judicial custody of Chief...

VPP MLA slams govt for failing to relocate residents of Them Iew Mawlong

Shillong, April 23: The Voice of People Party (VPP) MLA of North Shillong, Adelbert Nongrum on Tuesday slammed...