SHILLONG: Hynniewtrep National Liberation Council (HNLC) bobil dolni dilgiparangko sorkari baksa agangrikaniona re·bapilchina okamaniko HNLC bobil ra·chakangaha indiba HNLC-ni tik ka·gimin biaposa gronggen ine parakataha.
HNLC bobil dolni general secretary aro publicity secretary Sainkupar Nongtraw-ni Facebook-o parakatani gitade, Deputy Chief Minister Prestone Tynsong-ni uamangko grongna okamaniko uamang ra·chakenga indiba uamangni tik ka·gimin biaposa uamang uko grongegen.
“HNLC-ni dilgiparangko je biapoba grongna kusi ong·aigen ine Deputy Chief Minister-ni okamataniko chinga ra·chakenga aro iani bidingo chinga una u·iatpilaha. Gipin a·songrango ong·na nanggenchimoba uan chingni tik ka·gimin biaposa ong·skagen. Chinga una naljoke re·ruraani, namgipa cha·ani ringani aro dongchakanikoba on·gen. Uni gimin ua chingko grongna gita kenna nangjawa aro iani bidingo chanchitaina nangjawa,” ine Nongtraw parakataha.
Ma·mong aro a·dok sorkari baksa tom·tomanina agangrikaniko re·anggipa December jaosan HNLC bobil dolni dilgiparang ra·pilahachim aro iani bidingo Ministry of Home Affairs (MHA) Northeast-ni Advisor AK Mishra-na sedoatengon, sorkari baksa agangrikanio HNLC-ni dabianirangko chu·sokatna gisiko nangjaha ine HNLC-ni chairman-cum-commander-in-
HNLC-ni nangchongmotgipa dabianirangkon sorkari chu·sokate on·na man·jaenga ong·ode ja·mano HNLC-ni political-ni gita dabianirangkoba sorkari chu·sokate on·jawa ine ma·mong sorkarina sedoatgipa chittio HNLC-ni dilgiparang parakatahachim.
Indake ong·genchimoba ja·mano, HNLC-ni dilgiparangko sorkari baksa agangrikaniona re·bapilchina gita a·dokni Deputy Chief Minister Prestone Tynsong okampiltaiskaahachim.
“Chinga uni agangrikna okamaniko ra·chakenga indiba ian chingni dongimin niamo pangchakesa ong·skagen,” ine HNLC bobil dolni general secretary aro publicity secretary, Facebook-o parakataha.
