SHILLONG: Mamlarango pangchake party gipin opposition party-rang baksa kam ka·na cholko oenga indiba uamangni gadangko ma·sina nang-gen aro darang dol baksaba bakrimjawa ine Voice of the People Party (VPP) mijalo aganaha.
“Chinga Leader of Opposition-oniko chitti man·soaha. Neng·nikani-rango pangchake VPP pangna gipin opposition party-rang baksa ku·chol-san kamko ka·na pangna cholko oa chingni chakpaa-niko chinga aganengas,” VPP-ni ku·wattimgipa, Batskhem Myrboh aganaha.
A·dokni Congress, February 16-oni a·ba-chengnasienggipa Assem-bly budget session-o ku·cholsano uamangni ku·rangko on·a a·doko dol gittam opposition party-rangoniko chakpaaniko man·a miksongenga.
Ian Opposition party-rangni ku·cholsan ong·ani chin ong·ode ine sing·ani-na, ‘‘Ian mamingonba dilani ong·jawa, chinga gipin party baksa bakrim-jawa)” ine ua aganaha.
“Chinga namenga aro chingni dingtang ma·sia-niko rakkienga aro election-rango jakgitele susaenga,” ua agandapaha
Opposition camp, jeon Congress, VPP, aro TMC donga, sak 60-membor House-ni re·anggipa au-tumn session-o meligijanio ong·ako nikgenchim jeon maina Opposition Leader Ronnie V Lyngdoh ia ja·ku de·aniko a·bachengataha.
