SHILLONG: Meghalaya a·dok gimiko dam 19 coke karkana ba koela so·ani karkanarangko, Consent To Operate (CTO) gri chalaienga ine gitcham Justice BP Katakey-ni 20-gipa interim report-o parakaha.
Ia dam 19 coke karkanarangara, East Jaintia Hills, West Khasi Hills aro South West Khasi Hills a·jarango ong·a ineba report-o parakaha.
Meghalaya High Court-na on·atgipa interim report-o parakani gitade, East Jaintia Hills a·jao donggipa dam 19 coke karkanarangoni damskude CTO baksa chalaienga indiba dam 10-de CTO grisa chalaienga ine Meghalaya State Pollution Control Board (MSPCB)-ni Member Secretary, seachi u·iataniko on·aha.
West Jaintia Hills-o donggipa damgni coke karkanarangde CTO-rang donga ineba report-o parakaha.
West Khasi Hills a·jao gimik dambri coke karkanarang donga indiba ia dambrioni damsasan CTO baksa chalaienga ineba interim report-o parakaha.
South West Khasi Hills a·jaode gimik damdok coke karkanarangan CTO grisa chalaienga ineba Justice (Retd) Katakey-ni report-o parakaha.
“Uni gimin Meghalaya a·dok gimiko dam 31 coke karkanarangko chalaina MSPCB-ni on·gipa CTE-rang, dam 12 coke karkanarangosan dongaia aro bangki dam 19 karkanarangkode CTE grisa chalaienga aro ia karkanarangko chalaina on·na man·jawaha,” ine Justice (Retd) Katakey-ni interim report-o parakaha.