SHILLONG: Madras High Court-ni gitcham Judge, Justice S Vaidyanathan Robibar salo, Meghalaya High Court-ni gital Chief Justice ong·e ku·mikchetaha.
Meghalaya High Court-ni gitcham Chief Justice Sanjib Banerjee, re·anggipa 2023 bilsini November jaon, kamtangoni neng·takangahani gimin Justice Vaidyanathan, uni biapko ra·rikskaaha aro Robibar salo ua, Meghalaya High Court-ni gital Chief Justice ong·e kamko jako ra·na gita ku·mikchetaniko dakangaha.
Justice Vaidyanathan-ni ku·mikchetaniko, Shillong songjinmani Raj Bhavan-o donggipa Durbar Hall-o dakangaha aro uni ku·mikchetaniko Meghalaya a·dokni Governor Phagu Chauhan dilangaha.
Meghalaya a·dokni gital Chief Justice, Justice S Vaidyanathan, 2013 bilsionin Madras High Court-o Judge ong·e kamko ka·ahachim.
