TURA: West Garo Hills a·jani dingtang dingtang biaprango niam gri bolrangko den·enga aro saw mill ba bol ratani karkanarangko chalaienga ine koborrangko man·soahani gimin a·jani dingtang dingtang biaprango niam gri bol den·aniko aro saw mill chalaianiko champengna gita West Garo Hills a·jani District Magistrate, Section 144 CrPC-ko ra·gatangaha.
Iani bidingo u·iataniko on·atengon, West Garo Hills a·jani buring bolgrimrangoniko darangba bolrangko skatang den·na man·jawa aro permission ra·chenggija saw mill-rangko chalaina man·jawa ine District Magistrate ge·etaniko on·ataha.
West Garo Hills a·jani dingtang dingtang biaprango niam gri bol den·aniko aro saw mill chalaianiko am·sandienba, bolrangko ratna aro saw mill-rangko chalaianio jakkalenggipa ostrorangko rim·china gitaba District Magistrate, Police, Forest aro dingtang dingtang department-ni official-rangna ge·etaniko on·ataha.
Saoba ia niamko manigija bolrangko den·genchimode ba saw mill-rangko chalaigenchimode, ia mandeni kosako rakgipa ja·kurangko de·china gitaba District Magistrate, sub-divisional magistrate, forest aro police official-rangna ge·etaniko on·ataha.
West Garo Hills a·jao, mongsongbate a·kawe jolrango niam gri saw mill-rangko chalaiengani a·sel Garo Hills-ni bol wa·arangko pale cha·anirang batroroengahachim ine nikna man·a.
