Resubelpara: North Garo Hills-ni Water Resources (WR) department-ni Executive Engineer (EE)-ni chalaiani bidingo Resubelpara unit-ni Garo Students’ Union (GSU), district-o tarienggipa pro-ject-rango kam ka·ako nirokanirangna officer giseporangsan wenbaa ine matnangataha.
NGO, EE, DP Muktieh-ni kosako matnangataniko dakaha jeon department-na changchapgipa je dakgipa kamrangko man·angoniko songtangni contractor-rangna on·angna jechaka aro department-ni gisepo kamrangko nirokangna district-ni a·paloniko manderangko rimbaenga.
“Skanggipa, WR-ni field work-rangko nirokangani pal, ua an·tangni office-ko kam ka·chakgipa biap-mangmang dakesan officer chanaha. Iarangna agreba ua gitalgipa kamrangna maming tangka paisa chamanirangko on·a dongja jean district-ni manderangna bang·a gimaanirang ong·aha. Iano darang tender galgiparang donga jeon songtangni contractor-rangna on·a man·genchim, ua bang·-bata changon chingni district-ona re·bana aro kam ka·na WGH-ni a·kawe joloni manderangnasa on·bata,” ine GSU-ni gita parakataha.
Songtangni contractor-rangnaba dongkuenggipa bangki tangka paisarangko EE on·kujaenga indiba ua an·tangni basegipa manderangnade tangka paisarangko on·manaha ine uamang matnangataha. Jensalo transfer-rangna sokbaa ua biaponi songtangni manderang dakchakja, ia matnanganiko ua an·tangni namgnina chanchiesa EE matnangako man·aha. “Kan·dikgipa somoirangosa gitalgipa tender-rangko okama daka jeon songtangni contractor-rang maming chol dong-pajae cholko gimaatna nanga,” ine uamang agan-dapangaha.
Una minggni ge·eta-nirangko on·anggen-chimoba district-ni a·pal-china transfer ra·angna sing·anio officer nangnik-gijaniko mesokangaha ine NGO agandapangaha.
“SGH-ni EE-na district-o jako ra·e kam ka·angna changgni sokbaa indiba changantion EE apsan biapo dongpilanina permisison bia aro biaptangko wate on·ja. Iano rongtalen mesokenga, ia biapko watna sikgijaniara maidakgipako nike iano dongkuja sikenga,” ine NGO agandapangaha.
Uni tangka paisarangko chame on·jani a·sel RIDF-ni ning·o district-na bang·a project-rangkon gimaat-enganio engineer-ni kam baksa uamang namen kusi mong·jaenga ine NGO agandapangaha.
“NGH, bigita dakgipa engineer-rangna jabol kalchakram biap ong·ja jean songtangni manderangna simsakja. Chinga kenso-enga maina da·o jedake ong·enga ua apsan dake gitalgipa project-rangkoba indaken district gimaat-aona sokgen uni gimin chingni district-oni ua ong·katna nangchong-mota,” uamang agandap-angaha.
Department-oni paraka-tani gitade, NGH-ni EE uni transfer-na sorkarini gita ge·etaniko man·sogen-chimoba jitangna nangnik-jaenga. January 25 tariko transfer-na ge·etaniko on·a officer-ko sing·aha indiba stay order-ko man·ang-jaoba district-o dongang-kuenga. SGH-ni EE-ko jako ra·e kam ka·angna SGH-ni EE ong·e join ka·echina una ge·etaniko on·aha.
Iarangni bidingo EE mamingkoba aganchakna nangnikjaha.
