SHILLONG: Meghalaya a·dokni bang·bata biaprangon Jal Jeevan Mission (JJM)-ni kamrangko name ka·jaenga ine matnanganirang dongengoba iandake matnanganirangko sorkari jegalrongengani gimin JJM-ni kamrangko name sandirokchina Meghalaya a·dokni Trinamool Congress (TMC) dabiangaha.
TMC Parliamentary Party-ni dilgipa Mukul Sangma-ni aganani gitade, a·dokni bang·bata biaprangon JJM-ni kamrangko name ka·jaenga ine matnangtokengoba iandake matnanganirangko sorkari jegalrongengani gimin kakketko ma·sina man·na gita JJM-ni kamrangko sandirokna nangenga.
“JJM-ni kamrangko name sandirokgenchimosa kakketkode ma·sina man·gen,” ine Sangma aganaha.
Meghalaya a·dokni bang·a songrangon JJM-ni kamrangko a·bachengatani ja·man songni nokni manderang chirangko man·tokjaenga ine badi ka·anirangko bang·en knasona gita man·engachim.
“Je songrangon JJM-ni namgnirangko man·na nangenga, uandakgipa songrangona re·ange, sandirokanirangko dakna nanga. JJM-ni kamrangko a·bachengatna skang je songrangon maming neng·nikani gri chirangko man·engachim, da·alo chirangkon man·tokjaengaha,” ine Sangma aganaha.
A·dokni dingtang dingtang biaprango, JJM-ni kamrangko name ka·jaengani a·sel songni nokni manderang chirangko man·tokjaenga ine dingtang dingtang NGO-rang aro MDA sorkario bak ong·enggipa BJP-ba a·dok sorkariko matnangatahachim.
JJM-ni kamrangko ka·anio olgrokanirangko mesoke sorkarini kosako charge sheet ka·gen ineba adita salrangna skangsan BJP parakatahachim.