TURA: Bristibar salo, West Garo Hills, South West Garo Hills aro South Garo Hills a·jani official-rangna Sevottam-ni biidngo salsani Training program-ko Tura-ni DRDA Conference Hall-o ong·atangaha aro ia training program-ko ong·atanio, West Garo Hills a·jani Deputy Commissioner Jagdish Chelani-ba dongpae bak ra·angaha.
Ia training program-ko ong·atanio, West Garo Hills a·jani Additional Deputy Commissioner WRG Momin, Sevottam-ni bidingo, a·ja damgittamni official-rangna talate on·angengon, ian a·songo manderangna dangdike on·aniko namdapatna sorkarini ra·gatgipa program ong·a ine parakataha.
Meghalaya Right to Public Services Act 2020-ni ning·o manderangna ta·rakbate kamrangko dangdike on·na, somoi gita dangdike on·aniko man·na gita manderangni bil, dingtang dingtang office-rangni daitorang aro uandakgipa niamrangko mesoke on·aha ineba Momin aganaha.
Ia Training program-ko Shillong MATI-ni dakchake on·anichi West Garo Hills District Administration ong·ataha.
