SHILLONG: Sukrobar salo, Meghalaya a·dokni Chief Minister Conrad K Sangma, Union Health Minister Dr Mansukh Mandaviya-ko New Delhi-o grongenba, Meghalaya a·dokni North Eastern Indira Gandhi Regional Institute of Health & Medical Sciences (NEIGRIHMS)-ko Institute of National Importance-ona ra·doatchina didiangaha.
Iani bidingo ua dingtangmancha Union Health & Family Welfare Minister-na memorandum-koba on·angjolaha.
NEIGRIHMS-ara Meghalaya a·doko songdongenggipa manderangnasan ong·aigija salgro salaram jol gimiknan an·seng baljokaniko aro sanna banana kamrangko skie on·anio mongsongbatgipa institute gita ong·engani gimin NEIGRIHMS-ko Institute of National Importance-ona ra·doataniara salgro salaram jol gimiknan namgni ong·gen ine Union Minister-ko grongani ja·man Sangma, social media-o parakataha.
“NEIGRIHMS-ko Institute of National Importance-ona ra·doatanichi Meghalaya a·doko songdongenggipa manderangnasan ong·aigija salgro salaram jol gimiko songdongenggipa manderangnan dingtanganiko nikna ka·dongsoani ong·enga,” ine Sangma parakataha.
Sangma-ni parakatani gitade, uni mol·mola gita NEIGRIHMS-ko Institute of National Importance-ona ra·doatna Union Minister, una ku·rachakanikoba on·ataha.
Indake ong·engon, a·doko kulina sienggipa medical college-rangni giminba ua Union Health Minister baksa agangrikaha aro a·doko medical college-rangko kulina gita Union Minister pilak nanga dakchakanirangko on·angkuna ku·rachakataha ine a·dokni Chief Minister parakataha.
NEIGRIHMS-ko National Importance Institute-ona ra·doatchina CM didia
Date:
Share post:
