TURA: Rongram jolrango rongtal an·talaniko rakkidilna gita re·anggipa Sonibar salo Rongram Area Youth Development Forum (RAYDF)-ni membor-rang, Rongram bazar-ko jinma rongtalataha aro ia rongtalatanio, jolo songdongenggipa manderangba bak ra·angtokaha.
Ia rongtalataniko dakanio RAYDF-ni membor-rang, Rongram bazar jolrango donggipa manderangna gimik ge 20 dustbin-rangkoba suale on·angjolaha ine u·iataha.
RAYDF-ni u·iatani gitade, ia dustbin-rangoni mitamko uamangna Rongram C&RD Block-ni gita on·gilataha aro mitamkode uamang an·tangtangan breaha.
Mikkangchi uamang Rongram bazar gita jokpakangenggipa chiringko rongtalatanggen ineba RAYDF-ni dilgiparang parakataha.
