NGCO-ni parakatani gitade, ia nokrangko rikanirang ka·sindugaenga ine badi ka·anirangko man·soahani gimin re·anggipa 2023 bilsion uamang, ia biapona re·ange kamrangko nieaha aro ua somoio ia nokrangko rikenggipa company-ni official-rang, kamrangko ta·raken matchotatgen ine ku·rachakaniko on·atahachim.
Indake ong·genchimoba da·o bilsisani ja·man ia biapona re·angtaie nigenchimode kamrang apsane dongakosa nikna man·taiaha ine NGCO-ni dilgiparang parakataha.
“Re·anggipa bilsioba ia nokrangko rikenggipa contractor-rang kamrangko ka·gija donchipaiaha aro da·o ia changoba uamang wachi kari sokna gitikosa re·bae kamrangko a·bachengtaigena aro mikkarang wana a·bachengahaode wachiko pa·sike kamrangko dontongtaignok,” ine NGCO parakataha.
Contractor-rangni iandakgipa kamrangko jegalatengon, je contractor-rangan kamtangtangko name ka·na gisik nangja, uandakgipa contractor-rangko department-ni official-rang ‘blacklist’ ka·e licence-rangko den·galna nanga aro iandakgipa contractor-rangnade nangchongmotgipa kamrangko on·na nangja ine NGCO-ni dilgiparang parakataha.