CM, M’laya-ni ‘My City’ Campaign-ko a·bachengate on·ao rongtalatdilanga

Shillong: Meghalaya sorkari niksamsoani gnanggipa Chief Minister Conrad K Sangma-ni dilgipa ong·anichi uamang-ni a·dokni manderangko bil gnangatna, rongtal-an·-talatna aro songjinmako namroro-silroroatna ku·ra-chakani gita ta·take kam-rangko ka·chakatengaha. Mijalo Chief Minister an·tangan manderangko bak ra·atna aro songjin-mako nambatatna sorkarini ku·rachakaniko chu·-sokatna campaign-ni ning·o bang·a kamrango dake mesokangaha. Bus-stop-rangko taridapna, sorokrango jabol galram-ramaniko dakgijani, rongtalataniko dakani, jabol chimonge galani, songjinmao pulrangko ge·e nitoatani aro gipin kamrangko man·chape rongtalatanin aro nitoatani kamrangko ka·anggni-gipana gong lak 11.75-na baten tangkani cheque-rangko dam 12 biaprangna on·ataha.
Da·o ‘My City’ cam-paign-ni gita Dr. Vijay Kumar D, IAS, Commis-sioner aro Secretary, S.C. Sadhu, Deputy Commis-sioner EKH, E. Kharmalki, Director Urban Affairs Department, PK Boro, CEO Shillong Municipal Board uamangko man·chape biap-rangko, niksenganirangko nambatatna aro rongtalatna songpanggipa manderang-ni gisepo daito aro nokgipa ong·ani gisikko nambatat-na miksonge, on·kangna dake mesokna manderang baksa bimchipen bakko ra·aha.
Gittimrangko nambatat-na bidingo Chief Minister, SHillong Dhankheti-o dokkan dakgiparang baksa agangrikaha aro uamangni dokkanrango kalbong-rangko donchina aro rong-tale rakkichina uamangko didiaha. Unagreba Shillong MIIT campus-o songjin-mani skanggipa gadango ja·ani re·ani km 12-15 ramako namdapatna miksonge re·togipa ramako tarina ja·ku de·ani chin gita “Reimagining Streets Initiative”-ko a·bachengat-aha.
Chief Minister Conrad K Sangma, Quarterly Cleaning Drive Program-ni gimin aganao ong·gija chanchiani gisikko ding-tangatani, namdapani-rangko nambatatani aro manderangni bakko ra·ani mongsonggipa ong·a. Sorkarini ong·atgipa tom·a-nirang baksana nokmrong-rangko chotchanggija rongtalatna sorkarini ku·rachakaniko ua aganaha.