Election skang tangka aro wakrangko sualanina MDA sorkariko Congress matnangata

SHILLONG: Congress-ni dilgipa, Manuel Badwar, MDA Sorkariko, election-na skang tangka aro wak-rangko sualananira nam-roroaniko ra·bana man·gen-ma, ine sing·ataha.   MDA Sorkarini kam ka·anirangni bidingo Manuel Badwar media-na agana, MDA sorkarira bottle-o gital chu dongani gita dakaha, aro uamang budget-niko tangkarangko jakale namen dal·bea gualanirangko dakaha.   “Anga revenue expenditure aro capital expenditure-rang namen tang·doro-roha,” ine ua aganaha, in-dake tangka bang·en satanichi Sorkarini electoral-oni namgniko man·naba gnang, ine agan-dapaha.  Indiba, ua sing·-ata, election-na skang indake tangkarangko saate aro wakrangko suale aro nokdang ge·prakna tangka 5000-ko on·anina namroro-aniko ra·bagenma, ine sing·ataha.   Ua, re·anggipa somoio agana, Congress MP maiko dakahachim, uni gimin  jinma manderangchi re·ange ma·siatna   nang-gen.  “Chingni MP bang·a kamrangko dakaha, aro ua golpoako komia aro kamko bang·bate ka·aha. Gipin-rang bang·en hala ka·aha, indiba anga bebe ra·a, Congress party bang·arangko a·songna ra·baha.  Party Ma·mongo Sorkari rikna man·genchimode ming 5 kamrangko dakgen, ine re·anggipa somoio ku·mik-chetaha, uni giminba talate on·aha.   Ua agana, party, insurance health scheme-ko salanti hajira ka·e cha-gipa aro dingtang dakgipa-rangko Congress-ni sason ka·gipa a·dokrango ra·ba-gen, ine aganaha.   Ua una agreba, Congress legislation-ona re·bana man·gen-chimode, uni skanggipa kamra graduate ong·gipa-rangna private sector-o kamko on·ani ong·gen, jeon jaanti 8500 dormahako on·-gen, maina da·omiting bang·a graduate aro skang-gipa changna kamna gale nigiparang jakrara dongna nangaha.