SHILLONG: Meghalaya a·doko damgni Lok Sabha seat-rangna dakgrikangna dingchaoengon, a·dokni BJP dolni candidate-rangna bon·kame biming mingatako sengenga jeon uamang a·pachapchaponi tarisamsoaha.
“A·pachapchap chinga kam ka·enga aro tarisamsoenga chinga namgipa dakgrikaniko on·gen aro chenaba chinga ka·donga. Ama dipet chinga tarisamsoenga indiba ticket-rangko bon·kame chingni dilgiparangna sualtaniko chinga sengkuenga,” ine Sonibar salo Tura-ni MDC aro BJP dolni vice president Bernard Marak aganaha.
Lok Sabha poll-na candidate-rangni skanggipa list-o Mehalaya-ko BJP dol gualchangaha jean mijamangmang nakataha.
Indiba iano salgro salaram a·dokrangoni Arunachal Pradesh, Assam aro Tripura damgittam a·dokrangna candidate-rangni bimingrangko parakataha.
List jeon sak 195 candidate-rangni bimingrang donga, bilakgiparang baksa jekai Amit Shah, Rajnath Singh aro Prime Minister Narendra Modi-ba dongchapa.
A·dokni BJP dolni dilgiparangoni sakbrini bimingrangko ra·chakchina party-ni chubatgipa gadangona watataha ine party official aganaha.
Namnikgipa sakbrini bimingrangara Cabinet Minister AL Hek, Advocate Fenela Lyngdoh Nonglait, gitcham State BJP president Ernest Mawrie aro party youth wing-ni dilgipa jeni bimingkon parakatuja.
Meghalaya a·dokni damgni Shillong aro Tura parliamentary seat-rangoni party candidate-rangni bimingrangko gnigipa list nakatao parakatna State BJP ka·dongsoenga.
LS seat-na biming parakatako sengenga: BJP vice president Bernard Marak
Date:
Share post:
