NG Hills-o World Tuberculosis Day-ko mijalo manianga

RESU: North Garo Hills Bajengdoba-ni Multi facility Hall-o East Garo Hills Willimnagar, NTEP, District TB Control Society-ni office World Tuberculosis Day-ko mijalo maniangaha. Programme-ko TB saana kenaniko gimatna, TB sabisiko man·e gisik suk ong·gijaniko  namatna aro TB saani bidingo mikrak-u·iatani-rangko gipatna miksonge ong·ataha.  Bajengdoba CDPO, Frederick D Sangma, chief guest onge programme-ko mikkim chaataha aroba  Dr Chrissie Pearly Sangma, District TB officer East & North Garo Hills, Dr Cherubie Sangma, MO-TC, Resubelpara aro MOTC, East Garo Hills-ni gipin Medical official-rang dongpaaha.
Programme-o bakko ra·giparang 2025 bilsiode TB saa grigipa India-ko dakna an·tangtangko on·kangna ku·rachakaha.