Thursday, April 25, 2024
spot_img

NPP pilak jat aro toromni manderangkon chel·chakna kam ka·enga ine Tynsong a·kanga

Date:

Share post:

spot_img
spot_img

SHILLONG: Meghalaya a·doko Bharatiya Janata Party (BJP) susagija, National People’s Party (NPP)-na chakpaaniko on·na parakatani ja·man opposition dolrang, BJP aro NPP dolrangko apsan ‘rokomni’ dolrangan ine matnangtokengon, NPP-de darang jat aro toromkoba mikkang niteani dongja aro pilakkon chel·chakna gitasa on·kange kamko ka·enga ine Sombar salo, NPP-ni state president aro a·dokni Deputy Chief Minister Prestone Tynsong parakatskaaha.

A·dokni Shillong aro Tura Lok Sabha seat-rango susagija NPP-na chakskana gita BJP-ni parakatahani gimin opposition dolrangni matnanganirangko jegalatengon, election-ni somoiode pangnan iandake matnanggrikanirang dongaia ine Tynsong parakataha.

Tynsong-ni aganani gitade, 2018 bilsini Assembly election-na skangba, NPP-ko bilona seokatgenchimode a·dokni pilak gilja nokrangko chiptokgen ine opposition dolrang matnangtokahachim.

“2018 bilsini Assembly election-ni ja·man NPP, sorkariko rikaha indide NPP-chi dilenggipa MDA sorkari, manderangni olakkianirangko champengna jotton ka·ahama?” ine NPP-ni state president sing·doataha.

Dingtang dingtang jat aro toromrangko chel·chakna gitasa NPP, on·kange kamko ka·enga ine Tynsong aganaha.

“A·doko songdongenggipa dingtang dingtang Tribal-rangni daka rikanirangko chel·chakna gitaba chinga on·kange kamko ka·enga,” ine ua aganaha.

Shillong aro Tura Lok Sabha constituency damgnion NPP-ni candidate-rangna chakpaaniko on·na gita ma·mongo BJP-ko dilenggiparangni tik ka·aniko uamang kusi ong·en ra·chakaha ineba ua aganaha.

“Shillong aro Tura seat damgnion susana gita BJP-ni candidate-rang dorgastorangko galtokahachim indiba ia seat damgnion BJP-ni susajana tik ka·aniko knasoe chinga namen aiao inmanbeaha,” ineba NPP-ni state president aganaha.

BJP-ni chakpaaniko ra·chakanichi uamangba BJP-ni niamrangko aro bebera·anirangko ja·rikgen indakede ong·ja ineba ua aganaha.

spot_img
spot_img

Related articles

‘Malaria during pregnancy increases neurological risks for babies’

Shillong, April 25: Malaria during pregnancy poses significant risks to the brain development of babies, experts said on...

Neha Kakkar grooves with ‘Gulabi Sadi’ hitmaker Sanju Rathod on ‘Superstar Singer 3’

Shillong, April 25: Singer-songwriter Sanju Rathod, acclaimed for his viral hit Marathi song 'Gulabi Sadi', is poised to...

Hackers attacked Indian firms on average 2,444 times per week in last 6 months: Report

Shillong, April 25: Hackers have attacked Indian organisations on average 2,444 times per week in the last six...

Ukraine suspends passport service for military-aged men abroad

Shillong, April 25: The Ukrainian government has suspended issuing and renewing passports for overseas military-aged men, Ukrayinska Pravda,...