Friday, April 12, 2024
spot_img

BJP-ni state president-ko kam watchina dabiani jangbatrorobaa

Date:

Share post:

spot_img
spot_img

SHILLONG: Meghalaya a·dokni Lok Sabha seat damgnion susagija NPP-na chakskana tik ka·angani ja·man a·doko BJP-na kam ka·enggipa manderangni gisepo suk ong·gijaniko paraktokahaon, iani bidingo BJP-ni state president Rikman G Momin-ko kam watchina dabianiba bilakbatrorobaskaengaha.

Koborko on·ani gitade, a·dokni seat damgnio susajana BJP-ni tik ka·angani ja·man Meghalaya a·doko, mongsongbate Garo Hills-o BJP-na kam ka·enggipa manderang, state president Rikman Momin-ni kamna suk ong·nikgijaniko paraktokaha aro uandaken uko kam watchina gitaba dabitokengaha.

A·dokni seat damgnio susagija NPP-na chakskana tik ka·angahani gimin adita salrangna skangsan BJP-ni state vice president aro GHADC-ni gitcham CEM Dipul Marak-ba party-oni ong·kataha aro koborko man·soani gitade Garo Hills-o bang·a dilgiparangan BJP-oni ong·katna miksongkuenga.

“A·dokni seat damsaode, mongsongbate Tura Lok Sabha seat-ode susatelna nanga ine state president, ma·mongni dilgiparangko didina nangachim indiba ua iako dakjaha. Dipul Marak-ni nirokenggipa report, jekon Lok Sabha committee on·atahachim, ia report-koba ua ma·mongni dilgiparangna aro BJP-ni core committee-na on·jaha,” ine BJP-ni saksa dilgipa aganaha.

Garo Hills-o BJP-na kam ka·enggipa aro dilgiparang bang·batan Momin-ni kam wataniko dabitokengaha ine janapatengon, “Ua (Rikman) Garo Hills-o party-ni manderangko kusi ong·atna man·jaha aro chingko pale cha·a gita ong·aha. Meghalaya a·dokni seat damgnion BJP bilgria ine BJP-ni Meghalaya in-charge M Chuba Ao-ni agananiba gualani ong·a. Ia seat-rango, mongsongbate Garo Hills-ode dakgrike nina nangachim,” ine BJP-ni dilgipa aganaha.

Meghalaya a·doko aro mongsongbate Tura Lok Sabha seat-o BJP-na kenani giminsa a·dokni Chief Minister Conrad K Sangma, BJP-ko susaatna sikjaha ineba ua aganaha.

Ma·mongo BJP-ko dilenggiparangni iandakgipa kamna Garo Hills-o BJP-na kam ka·enggipa bang·a manderangan suk ong·jae party-oni ong·katna miksongtokengaha ineba ua parakataha.

spot_img
spot_img

Related articles

Campaigning not exciting as opposition lacks strength, claims Assam minister

Guwahati, April 12:  Assam minister Jayanta Mallabaruah said on Friday that campaigning for the upcoming Lok Sabha elections...

Our Constitution is like Gita, Quran, Ramayan & Bible, it can never be harmed: PM Modi

Jaipur, April 12: Prime Minister Narendra Modi reiterated on Friday that the Consitution is like a holy scripture...

‘Sound & stable’ India-China ties serve interests of both countries: Chinese FM spokesperson

Beijing, April 12: Sound and stable India-China relations serve the interests of both countries and are conducive to...

Assam vigilance team nabs govt employee in bribery case

Guwahati, April 12: A team from the Assam directorate of vigilance and anti-corruption laid a trap and arrested...