Baghmara: Re·anggipa salbrio rama tarigiparangko jokatani ja·man, South Garo Hills (SGH) police chang-satai sakgipingipa rim·-sruka man·gipa mande-rangko Chokpot sepang-jolni songakoniko jokat-taiaha.
Iana skang March 20 tariko Akhilesh Chauhan-ko denggu dakgipa dolrang rim·sruke rimangaha, indiba uni salgnini ja·man uko jokatna man·pilaha. Ua rimsrukanggipa man-derangko bon·gimin bobil dol ine chanchichipaha, indiba chongmoto sawa jak dongman·cha uni gimin ma·sina man·kujaenga.
Sakgipingipa rim·suka man·gipa mandera Mominul Islam (19) ong·-aha, ua Dasi Tesrangre songni Darjee College-o kam ka·engachim, uno-miting somoion uko denggu dakgipa dolrang rim·angaha. Ua songara Chokpot PS-ni ning·o ga·akaha.
Police-ni report-ni gita, rim·sruke rimangani kobor-ko police March 8 tarikni pring 3 bajio man·soaha, uni ja·mano uamang sandirikitaniko dake rim·-sukako man·gipa mande-rako jokatna jotton ka·aha.
Ua apsan salni pring 10 bajio, ua rim·sruka man·-gipa mandeko police team, apsan PS-ni ning·o donggipa Dendamgre Forest-ni sepangoniko jokata. Denngu dakgipa dol police-ni jakoni joke katna man·aha, indiba uamangni membor saksa jekon Tengsrang Ch Marak (30, WGH, Dakopgre, Tura-ni) minga uko rim·na man·rikaha.
Ia bidingo Chokpot PS 3(2)2024 under section 392/364A/323/448/34 IPC-o pangchake mamlako segataha.
“Da·omitingo ua deng-gu dakgipa dolni man-derangko sandirikitaniko dake rim·na jotton ka·-enga,” ine SGH-ni superintendent of police, Shailendra Bamaniya aganaha.
