Wednesday, April 24, 2024
spot_img

M’laya-ni BSF, niamgri chini badinggiparangko rim·a

Date:

Share post:

spot_img
spot_img

Shillong: March 28, 2024-o operation ka·ani, Meghalaya-ni 172 Bn BSF, Bangladesh-china niamni chini badinganggipa sakgni manderangko East Khasi Hills District-ni sepango donggipa Kuliang sima arioniko gariko chamchange rim·aha.
Kobor man·soani ja·man, BSF-ni sipairang kg 35,000-ko niamgri badingna salanggipa  gariko chamchange rim·aha. Ua niamgrigipa chiniko salanggipa gari, Ladrymbai-oni re·baha, aro Kuliang seima arichipak re·angengachim. Driver aro unbaksa dongchapgipa mandeko sing·aniko dakanio uamang baksa Chiniko salangani maming niamni lekkarang dongjaha.
Ua rim·a man·gipa bosturang aro mandeko customs office-chi niamo pangchake sastiko on·china rimangaha.

 
 LS Election: Shillong aro Tura seat-na nomination ka·gipa candidate darangba bimingko ra·pilja  
U·iattimgipaoni…
SHILLONG: Shillong aro Tura seat-na damgnionin re·baenggipa Lok Sabha election-na nomination-oni bimingko ra·pilna donsogimin bon·kamgipa salo darangba  nomination-oniko bimingko ra·pilgipa dongja.
Shillong-oni sak 6 susagipa candidate-rang dongaha. INC-ni mongsonggipa candidate Vincent Pala-koba Sukrobaro ra·chakaha, uni ortora backup candidate, Manuel Badwar tongtong ra·galako man·aha.
Sak 6 candidate-rang jemangan Shillong seat-na susaengachim, uamangara –Ampareen Lyngdoh (NPP), Vincent H Pala (INC), Robertjune Kharjahrin (RDA), Ricky AJ Syngkon (VPP), Lakhon Kma (Independent) aro Peter Shallam (Independent) ong·aha.
Tura seat-na susagipa candidate-rangara — Saleng Sangma (INC), Agatha Sangma (NPP), Zenith Sangma (TMC) aro Labenn Ch Marak (Independent)-mang ong·gen.

Ichamati-o so·otani mamlao ta·rake rim·china a·dokni BJP, CM-na memorandum on·a
U·iattimgipaoni…
SHILLONG: A·dokni BJP Sonibaro Ichamati-o so·otani mamlao ta·rake sandie rim·aniko dakchina chief minister-na memorandum-ko on·a.
“Chinga chief minister-na memorandum-ko on·e, so·otani mamlao jegalate, ta·rake sandie rim·aniko dake bichal ka·china dabienga,” ine BJP-ni palo agantimgipa M Kharkarang aganaha.
Ua agana, memorandum-ko tongtong chief minister-chi an·tangan ra·ange on·aha , jedakode a·dokni police, ua dos dakgipa manderangko ta·raken rim·na krengbatgen,  dongimin niamni gita chargesheet-ko on·aha aro ta·rake rim·e, janggi gimatgipa nokdangni manderangna kaket bichalko on·na man·gen.
Ua, FIR-o KSU-oni biming dongani bidingo sing·anio, “chinga police department-ni sandirikitanio pangchaka aro anga iani bidingo mamingkoba aganja sikja,” ine aganchakaha.
“A·dokni BJP ong·e chinga, ua so·otani gimin raken jegala, aro chinga jedakgipa jatko so·otakoba jegala,” ine ua agandapaha.
Ichamati-o sakgni manderangko so·otani mamlao BJP, VPP baksa jegalgipa skanggipa political party ong·chengako nikna man·aha.
“Iara democratic a·song ong·a, uni gimin darangan jegalna bil donga, indiba indake mande mandeskako ka·sananggija so·ote galanina anga raken jegala,” ine Cabinet minister aro a·gipi BJP dilgipa AL Hek aganaha.
Meghalaya Linguistic Minority Development Forum (MLMDF)-ba ua sakgni so·ota man·gipa manderang jemangan Ichamati-o bilbrigipa jatoni (minority) ong·achim, uamangni indake a·selo ga·akanina raken jegalataha.
“MLMDF, jean Meghalaya-ni bilgrigipa jatni manderangna nangnirangko kam ka·na aro chelchakna bikotgipa organisation ong·achim, uamangba Ichamati-o songdonggipa shan Singh aro Sujit Dutta (Phuruin Dutta)-ko Butbaro ka·sananggija dake so·otanina jegalataha,” ine parakatanio janapaha.

spot_img
spot_img

Related articles

Opposition INDIA bloc working on ‘one year, one PM’ formula: PM Modi

Betul (Madhya Pradesh), April 24:  Urging people to be cautious of Congress' 'agenda', Prime Minister Narendra Modi said...

Sushant Singh Rajput’s pic with Dhoni and baby daughter goes viral, fans get emotional

Mumbai, April 24:  A throwback monochrome photograph featuring late Bollywood star Sushant Singh Rajput has gone viral on...

Legend recognises legend: A.R. Rahman wishes Taylor Swift all the best for her new album

Mumbai, April 24: Oscar and Grammy-winning music composer A.R. Rahman has wished American singer-songwriter Taylor Swift success for...

PM Modi hopes new Ramakrishna Mission President will guide society to ‘greater wisdom and compassion’

New Delhi, April 24:  Prime Minister Narendra Modi on Wednesday extended his best wishes to Swami Gautamanandaji Maharaj...