Monday, May 20, 2024
spot_img

NPP-ni voter-rang gipin dolrangchi katskaengaha ine Zenith a·kanga

Date:

Share post:

spot_img
spot_img

TURA: Garo Hills-ni manderang dingtanganiko nikna siktokengahani gimin National People’s Party (NPP)-ni bang·bata voter ba pu·ongiparangan gipin dolrangchisa katskaengaha ine Sukrobar salo, Trinamool Congress (TMC)-ni candidate Zenith M Sangma a·kangataha.

Lok Sabha election-na South Garo Hills a·jani dingtang dingtang biaprango campaign ka·angengon, NPP-na pu·ongiparang bang·batan dingtanganiko nikna siktokengahani gimin ia changode mitam Congress dolona aro bang·batan TMC-ona kattokengaha ine Sangma parakataha.

Ia Lok Sabha election-o Tura parliamentary constituency-ni manderang, da·o ong·enggipa MP aro NPP-ni candidate Agatha Sangma-ko ra·galenba TMC-ko seokskagnok ineba Sangma a·kangataha.

“Uko agangenchimode Congress doloniba bang·bata manderangan TMC-ona re·batokengaha. Ia chang Lok Sabha election-o BJP susajaengani gimin BJP-ni 90,000 vote-rangan ia election-o MP-ko seokanio mongsonggipa kamko ka·gnok,” ine TMC candidate aganaha.

Ia election-o ma·mongo BJP-ko dilgiparang, NPP-na chakchina gita Garo Hills-o BJP-ni membor-rangko ge·etahaoba bang·bata BJP membor-rang suk ong·jae TMC-onasa katbatokskaengaha ineba ua aganaha.

“Uamang Dr Mukul Sangma-ni dilanio ka·donggiparang ong·ani gimin TMC-o bakrimna re·batokaha. Gipin dolrang gita chinga tangka paisarang dongpahaoba Garo Hills-ni pilak biaprangonikon manderangni pattianirangko man·engani gimin ia election-o chegipa ong·na ka·dongenga,” ine Sangma aganaha.

Citizenship Amendment Act (CAA)-ni gimin NPP-ni candidate Agatha Sangma-ko matnangattaiengon, uni Parliament-o CAA-na chakpaaniko on·aniara Garo Hills-ni manderangko togia gita ong·aha ine Sangma parakataha.

“2019 bilsini Lok Sabha election-na skang uni (Agatha) campaign ka·engmiting somoirangode ua CAB-ko jegalgen ine Garo Hills-ni kona noksik pilakon manderangna ku·rachakaniko on·ahachim indiba Tura-ni MP-na seokako man·ani ja·mande ua Parliament-o Tribal-rangna aro salgro salaram a·dokrangna kenchakna nanggipa CAB-na chakpaanikosa on·skaaha aro ia Bill-ko pass ka·na gita vote-ko on·paaha,” ine TMC-ni candidate Zenith Sangma aganenba, ia Meghalaya a·dokni manderangko aro mongsongbate Tura Lok Sabha constituency-ni manderangko cha·boka gita ong·aha ine matnangataha.

Bill-ko pass ka·ani ja·man Congress candidate Saleng Sangma (jean ua somoio NCP baksa ong·e gitcham sorkari baksa bakrimachim) Conrad Sangma sorkarina chakpaaniko on·ahachim ine janapatskaengon, ian uamangni gisepo bakrima donganiko mesokani ong·enga ine TMC candidate aganaha.

“CAA-ko ra·gatanichi Meghalaya a·doko nangchakeani dongjawa ine da·alo Chief Minister Conrad Sangma aganenga, indiba CAA-ko chu·gimik ra·gatani ja·man gipin a·songrangoni katnapbagipa manderang, citizenship-ko man·e Meghalaya a·dokni samba jolrango songdong a·chaahaode Meghalaya a·dokona napsrukanirang dongjawama, iako anga uni sing·na sikenga. CAA aro NRC-ko ra·gatanichi an·chingni a·doknaba nangchakeanide dongtelaigen,” ine Sangma aganaha.

spot_img
spot_img

Related articles

SC refuses to entertain PIL against three new criminal laws

New Delhi, May 20 :The Supreme Court on Monday refused to entertain a public interest litigation (PIL) filed...

ICMR rejects BHU study on Covaxin, says findings misleading

  New Delhi, May 20 :The Indian Council of Medical Research (ICMR) has rejected a recent study led by...

‘Those who insulted Constitution now dancing with it’: PM Modi calls out Congress’ ‘hypocrisy

New Delhi, May 19 Prime Minister Narendra Modi engaged in a comprehensive discussion with CEO & Editor-in-Chief, AMG...

UK to fund medical training for doctors treating Palestinian evacuees

Shillong, May 20: The UK government will fund medical training for doctors and health practitioners treating Palestinian evacuees...