SHILLONG: A·doko ILP-ko ra·gataniko nangnik-gijani bidingo sandianiko serikani donga ine NPP-chi dilenggipa MDA baksa bakrimgipa pilak legislator-rangko Voice of the People Party (VPP) aganaha.
“Jemangan ia MDA sorkari baksa bakrima ua pilak manderang ILP-ko ra·gatako namnikjaenga uamango sandiani sakkiko serikani donga aro uni gimin chinga uamango ka·dongna man·ja aro ia obostako chinga ra·enga,” VPP-ni ku·wattimgipa Bat-skhem Myrboh aganaha.
A·doko ILP-ko ra·gatna State Assembly resolution-ko pass ka·aha party uni gimin mikrakenga, indiba jemangan ia resolution-ko pass ka·a ua membor-rang-ko nienga aro saoba itihas-ko niode ILP-na krengani sakkiko mesokbo ine aganaha.
“ILP-na ua manderang gisik ka·tong gimikchi kam ka·ja. 2019 bilsio a·doko ILP-ko ra·gatna ma·mong chingna cholko on·gijani ian namen rasong griani-san ong·aija indiba 1873 bilsini preamble regulation-oniko Khasi Jaintia Hills district-ko ra·gale rasong griani ong·a aro ian a·dok sorkarini chu·sokgijaniba ong·a,” ua agandapaha.
“ILP-ko ra·gatna ua-mang ku·rachake resolu-tion-ko maina pass ka·aha aro mainasa resolution-ko ra·gateba uko chu·sokatna kringkrot kam ka·skaja uko ra·gatani miksonganiara maia a·palo maia dingtang-grikani donga ukon chinga ma·sija” ua aganaha.
“VPP-oni chinga ia mamlako agangen aro ian ramramgipa ong·ja chinga ma·sia indiba party-ni daito chinga dontongjawa. A·doko ba parliament-oba ong·chong chinga ma·-mong sorkariko jet jetgen jeon manderang chingni candidate-ko parliament-ona watatna chanchia chinga ku·rang on·gen aro dontongjawa,” ua agandapaha.
A·doko bang·a ILP-ko ra·gatchina namnike ku·rang on·gipa dolrangni jetjetako man·e Meghalaya Assembly 1873 Bengal Eastern Frontier Regula-tion-ni ning·o a·doko ILP-ko ra·gatchina India sor-kariko didina 2029 Decem-ber 19-o special session-o resolution-ko ra·gataha.
Maibakai bang·a bilsi-rang re·angaha ma·mong minister-rang, MLA-rang aro pressure group-rangni memborrangni bang·a changrangna Union Home Minister Amit Shah-ko gronggenchimoba a·dokni dabiani bidingo maming ku·sa kattakon aganku-jaenga.
