Friday, July 4, 2025
spot_img

Tura Lok Sabha seat-o NPP bang·bea vote-rangchi chegen: Rakkam

Date:

Share post:

spot_imgspot_img

SHILLONG: Tura Lok Sabha constituency-o National People’s Party (NPP)-ni candidate Agatha K Sangma, bang·bea vote-rangchi cheenba Tura-ni MP-na seokako man·piltaigen ine Siju-Rongara constituency-ni NPP MLA aro a·dokni Education Minister Rakkam A Sangma, an·tangni ka·dongchakenganiko parakataha.

Tura Lok Sabha seat-o NPP-ni candidate Agatha Sangma, Indian National Congress (INC)-ni Saleng A Sangma, Trinamool Congress (TMC)-ni candidate Zenith M Sangma aro Independent candidate Labenn Ch Marak baksa susaengachim ine nikna man·a.

Indake ong·engon, Opposition dolrang, chong·motan INC aro TMC dolrangde ia election-o chena man·jawa ine an·tangtangan ma·simanaha aro NPP-ni candidate-an bang·bea vote-rangko chepiltaigen ine NPP-ni dilgipa parakataha.

“Garo Hills gimikon NPP-na balwa balanirangko nigenchimode aro Agatha Sangma-ni campaign ka·anirangko niatgenchimode Meghalaya a·dokni itihas-o NPP-ni candidate, bang·batgipa vote-rangchi chegen ine mesoksoani ong·enga. Opposition dolrangni campaign ka·anirangko niatskagenchimode uamang campaign ka·nan gisik nangjaenga gita nika, maina uamang ia election-o cheteljawa inen ma·simanaha,” ine Sangma aganaha.

Ma·mongo NDA-an sorkariko rikpiltaina siengani gimin Opposition dolni candidate-rangko watatede maming namgni dongjawa ineba Education Minister aganaha.

“Ma·mongo BJP-chi dilenggipa NDA-an sorkariko rikpiltaina siengani gimin Agatha-ko MP-na seokpiltaie watatanian Meghalaya a·dokna aro Garo Hills-naba namgni ong·gen. Congress ba TMC-ni candidate-rangko seoke watatgenchimode Opposition-osa ong·na nangaigen, indide uamang mai namgniko ra·bana man·gen?” ine Sangma sing·doataha.

Batanggimin chang NDA sorkario Agatha Sangma-ba dambebatsranggipa union minister ong·ahani gimin ia changoba uko me·chik minister dake songpiltaichinaba Sangma, ma·mong sorkariko mol·molataha.

“Union Cabinet-o salgro salaram jolni dilgipako nangengani gimin Agatha-na Cabinet-o biap on·genchimode uan salgro salaram jol gimiknan namgni ong·gen,” ine ua aganaha.

spot_imgspot_img

Related articles

Paul Lyngdoh inaugurates year-long silver jubilee of SSIRPD

Shillong, July 4: Social Welfare Minister Paul Lyngdoh formally inaugurated the year-long silver jubilee celebration of the State...

NIA raids private office near Dalai Lama’s palace in McLeodganj, owner’s Khalistani links suspected

Dharamsala, July 4: A team from the National Investigation Agency (NIA) on Friday raided the commercial office of...

Kolkata law college rape: Monojit Mishra made 16 calls in 3 hours, police probe details

Kolkata, July 4: Monojit Mishra, one of the three accused and reportedly the main architect in the law...

Monsoon fury: HM Amit Shah offers help to 5 Chief Ministers

New Delhi, July 4: Union Home Minister Amit Shah on Friday spoke to Chief Ministers of five states,...