Williamnagar: District-o songdonggiparangni gisepgriko voter awareness-ko aro voter literacy-ko ong·atan baksa salsa Systematic Voters’ Education and Electoral Participation (SVEEP)-ko April 13 tariko Williamnagar-ni Police Parade ground-o East Garo Hills District Officer Vibhor Aggarwal ong·ataha jeon skul bi·sarang, NGO-rangni member-rang aro sorkari official-rang aro gipinrang bakko ra·angaha.
Campaign ong·atani somoio, BDO, Songsak C&RD Block, Tadingchi N Sangma, SVEEP campaign-ko ong·atangna nangani gimin kan·dike agan-talatangaha aro a·dokni chadamberangko uamangni kakketgipa bilko re·baenggipa Lok Sabha election-o vote ka·angpachina chadamberangko mol·molangaha.
Sakgipinrang jemangan campaign-ni somoio aganangpagiparangara, BDO, Samanda C&RD Block, Tochri R Sangma, District Housing Officer, BK Marak, Tourist Officer, MC Ch Marak aro PwD-ni Ringsime Sangma.
Campaign-ko ka·ana agreba Williamnagar Art and Culture Scoiety-ni member-rangni gita jatni Wangala chrok mesaaniko dakaha, Williamnagar Cyclists-ni member-rangni gita cycle rally-o bak ra·aha aro Wlliamnagar Taekwondo Association-ni member-rangni gita Taekwondo-ko dake mesokangaha.
Cycle rally-ko SVEEP campaign-ni bak ong·e PwD-ni Ringsime Sangma-chi nisanko batalate a·bachengataha.
