TURA: Meghalaya a·dokni gipin biaprang baksana West Garo Hills a·jani Darechikgre songo salgnina ong·atanggipa Strawberry Festival, Sonibar salo nambee matchotangaha.
Ia salgnina ong·atanggipa Strawberry Festival-ko nina gita Garo Hills-onisan ong·aigija gipin biaprangoniba re·batokaha aro ia festival-o cha·ani ringanirang aro ma·manti dake an·senganirangkoba nikangna man·aha.
Darechikgre songo ong·atanggipa Strawberry Festival-ko West Garo Hills a·jani Deputy Commissioner Jagdish Chelani-ni jakchi do·ga oe on·aha aro ia manianio Agriculture, Horticulture aro gipin department-ni official-rangba bak ra·angtokaha.
Ia salgnina ong·atanggipa Strawberry Festival-o strawberry akani, chu tape niani, jam tariani, strawberry baganko nape niani, doka dam·ani, git ring·ani, cultural program aro uandakgipa dingtang dingtang program-rangkoba nikangna man·aha.
Ma·mong aro a·dokni dingtang dingtang program ning·o Horticulture Directorate, a·dokni dingtang dingtang biaprango strawberry-ko bang·en ge·na a·bachengaha aro da·o strawberry-rang minna a·bachengahani gimin ia Strawberry Festival-ko East Khasi Hills a·jani Synthung aro Nohron songrango, Ri Bhoi a·jani Umktieh aro Sohliya songo, West Garo Hills a·jani Darechikgre-o salgnina ong·atangaha.
Photo: Darechikgre songo ong·atanggipa Strawberry Festival-o dingtang dingtang dolrangni git ring·aniko nikna man·enga.