Sunday, August 3, 2025
spot_img

Polling official-rang biaptangtangona re·chakatanga

Date:

Share post:

spot_imgspot_img

TURA: April-ni 19 tariko ong·atenggipa Lok Sabha election-o kamrangko ka·na donatako man·gipa polling official-rang, Budbar salonin an·tangtangni polling station-rangona re·chakatangna a·bachengaha.
West Garo Hills a·jao 2-Tura Parliamentary Constituency-ni ning·o donggipa dam 11 Assembly constituency-ni dam 292 polling station-rango kamko ka·na donatako man·gipa polling official-rang, Budbar salni bako, Chasingre-o donggipa ISBT-oni election-na nanggipa pilak bosturangko ra·e an·tangtangni polling station-rangona re·chakatangtokaha.
West Garo Hills a·jani bangki dongkuenggipa dam 247 polling station-rang, jerangan Tura-oni sepangkalgipa biaprango ong·engachim, iandakgipa polling station-rango kam ka·na donatako man·gipa polling official-rangde Bristibar pringoni re·chakatangskagen.
Indake ong·engon, South Garo Hills a·jaoba, 2-Tura (ST) Parliamentary Constituency-ni ning·o donggipa 58-Rongara-Siju Assembly Constituency, 59-Chokpot Assembly Constituency aro 60-Baghmara Assembly Constituency-ni polling station-rango kamrangko ka·na donatako man·gipa polling official-rang, Budbar salonin polling station-tangtangona re·chakatangna a·bachengaha.
South Garo Hills a·jao gimik dam 165 polling station-rang donga aro ianoni dam 108 polling station-rango kamko ka·na donatako man·gipa polling official-rangde, Budbar salonin re·chakatangna a·bachengaha. Bangki dam 57 polling station-o kamko ka·na donatako man·gipa polling official-rang, Bristibar salo an·tangtangni polling station-rangona re·angskagen.
South Garo Hills a·jao gimik sak 1,02,951 voter-rang donga aro ianoni sak 52,946-de me·asarang aro sak 50,005-de me·chikrang ong·a.
Election-ni somoio dingtang dingtang political dolrangni tangka paisa, chu aro uandake dingtang dingtang gam-jinrangchi manderangko salna jotton ka·aniko nirok sandina gita South Garo Hills a·jao dol 10 flying squad team (FST) aro dol 9 static surveillance team (SST)-rangkoba donatahachim.

spot_imgspot_img

Related articles

Special edition of ‘Fit India-Sundays on Cycle’ held at JLN Stadium today

New Delhi, Aug 3: A special edition of the popular fitness campaign 'Fit India – Sundays on Cycle'...

Minor among two snatchers held in Delhi, valuables recovered

New Delhi, Aug 3 : Two active snatchers, including a minor, were apprehended and valuables recovered from their...

Arrested Bangladeshi model’s source of funds, luxury cars under Kolkata Police scanner

Kolkata, Aug 3:The money trail of the deposits accumulated in the two bank accounts of Santa Paul, the...

Amit Malviya slams Tejashwi over ‘multiple’ EPICs, calls Oppn ‘alliance of Pappus’

New Delhi, Aug 3 (IANS) BJP IT cell chief Amit Malviya on Sunday launched a sharp attack on...