Ampareen resents ‘Mitchinikgrikatani politics’-na Ampareen suk ong·ja

SHILLONG: A·doko da·o nikenggipa mitchinikgrikani politics-ko  NPP candidate Ampareen Lyngdoh namen ma·siaha aro ong·gijagipa politics ong·angenga ine ua aganaha.
Mija Sukrobar pringo songjinmao Ampareen Lyngdoh an·tangni vote-ko on·ani ja·mano kobor ra·timgiparangna aganao jean ge 36 constituency gimikon raken campaign ka·aha, Meghalaya-o election-rang bon·jawa indiba political-ni a·bao politics kal·giparang sera-bera aro ong·gija chanchianirang ong·baskaengaha.
“Mande ra·grikani ma·sichakgrikani donggija-gipa party ge·sa donga jeon sakantini gisiko mitchinik-grikataniko dakaha aro uni giminsa anga cha·bok-rusiani gisik donggipani bidingo aganaha,’’ Lyngdoh VPP-ko biming pe·gija aganaha.
Skang salrangko janape unomiting salrango pol-itical party-rang dolsa gipinko mande ra·ani, ma·sichakgrikani donga, bilonggipa party ge·sa jeon sakantini chanchiani-rangko bilding bilding ong·atani gadango Megha-laya ong·enga ine Lyngdoh aganaha.
“Jeon da·o chinga mitchinikgrikani obosta-rangko nikenga ia ong·gija chanchigipa rokomni politic-rangko chinga meliata-niko ra·bana anga angni bil ama gita jotton ka·gen,” ia political party sikkimani kamrangko agana mande-rangko sudodo-jotdodo dakenga aro Meghalaya-o pangnaba nikkugijagipa indakgipa political obos-tako ia party ra·baaha, ua aganaha.
“Ia rokomni mitchinik-grikatani obostako anga pangnaba nikkujachim. Ian namen kenbegnigipa ong·a jeon gimikkon nosto ka·-gen,” Lyngdoh aganaha.
Campaign-mitingo NPP aro VPP dolgnian dolsa dolgipin baksa nanggrika-ha aro dolgni dolrangan FIR-rang ka·grikaha aro bang·a chakrangna dolgnian matnanggrikaha.
Ua uni campaign-o uni jerikkitanirangko bang·en nikaha aro ua obostani gimin namen chanchina nanggen jean ta·raken sorkarini chanchina nang-ani ong·enga ine agane manderangni namgnina uamang ku·cholsan kamko ka·na anga jotton ka·gen Lyngdoh aganaha. Uni candidate ong·aniko darangba jeani dong-jani gimin ua mittele  aganaha.
Shillong Parliamentary Constituency-oni MP election ua chegen ine Regional Democratic Alliance (RDA) candidate, Robertjune Kharjahrin ka·donge aganaha.
South West Khasi Hills District, Mawthawpdah Polling Station-o uni vote-ko on·ani ja·mano Khar-jahrin kobor ra·timgipa-rangna aganao, “Ia elec-tion-ko chena chinga ka·-dongsoenga gitan ong·-chongmotenga. Chinga iano darangkoba mat-nangna ba sakantiko mittelna ong·ja. Pilak candidate-rang apsan namna nangaia indiba jekon chinga ku·rang on·aha aro candidate-rang ong·e chingni nama gunrangchiba mande-rangsa chanchigen aro neng·nikanirangchi ua-mang bichal ka·gen ka·-dongenga”.
Shillong Parliamentary Constituency-ni mande-rang dingtanganirangna aro ‘Jaitbynriew’-ko chel·-na aro a·dok aro a·song-gimikni namroro-silroro-anina puongen ine ka·-donge Kharjahrin aganaha.
Election-o puonanina una chakgiparangko man·-chape pilak puongipa-rangko Kharjahrin mit-telaha.
RDA candidate Robert-june Kharjahrin aro uni jikgipa, Ibameri Lyngdoh Marshillong, South West Khasi Hills District Mawkyrwat-oni km 20-mang chel·aogipa Maw-thawpdah polling station-o puonaha.