SHILLONG: Khasi Hills Autonomous District Council (KHADC) aro Jaintia Hills Autonomous District Council (JHADC) election-ko ia bilsini gisepon ong·atna man·na gita constituency delimitation ka·aniko ba constituency-rangna gital dake sima saltaianiko ta·raken matchotatchina Congress dolni dilgipa Manuel Badwar dabiangaha.
Ia kamko ru·utatchae donggenchimode ian district council damgnio donggipa manderangna nama ong·jawa ineba ua aganaha.
District council damgnio donggipa manderang, bilsibongaprakon an·tangtangni dilgiparangko seokna gita bilrang donga ine janapatengon, KHADC aro JHADC election-ko ia bilsini gisepon ong·atna man·na gita sorkarini songe on·gipa delimitation committee, kamrangko da·o adita jarangni gisepon matchotatgen ine Badwar, an·tangni ka·dongchakenganiko parakataha.
Scheme-rangko nambate nirokna aro election-o manderang nengrabate dilgipako seokna man·na gita MLA aro MDC-rangni constituency-rangko man·a dipet apsan ong·atna nanga ineba Congress dolni dilgipa ku·pattianiko on·angaha.
KHADC aro JHADC-na dongimin term, March jani 4 tarikon bon·ahachim indiba constituency-rangko gital dake sualpiltaiengani gimin ia district council damgnini term-ko sorkari jadokna ra·dodapatskaahachim.