SHILLONG/TURA: Adita salrangna skang, South West Garo Hills a·jani song damsao me·chik bi·sa sakgniko drae til·ekgipani bidingo Meghalaya BJP Mahila Morcha, Meghalaya High Court-ni Chief Justice-na sedoatenba, dos dakgipa manderangni kosako rakbatsranggipa ja·kurangko de·china mol·molataha.
Police-rangni kobor on·ani gitade, re·anggipa April-ni 17 tariko, me·chik bi·sa sakgni, an·tangtangni ripeng sakgni baksa South West Garo Hills a·jani Gandhipara songo ong·atanggipa Cheng Benga Mela-ona re·angahachim.
Skanggipao, me·chik bi·sa saksa an·tangni me·asa ripeng baksa, mela-ko ong·atenggipa biaponi adita chel·kala biapona re·angon, ua biapo dolsa manderang uamangko timsoenba chadrapsoaha aro me·asako siboke dokani ja·man me·chik bi·sakoba doke sibokataha. Me·chik bi·sa sibokani ja·man, ia manderang me·chik bi·sako kragija dake kal·aka aro me·chik bi·sa sibokani a·sel ia manderangko ma·sirikjaha.
Iani ja·mano, sakgipin me·chik bi·sa, an·tangni me·asa ripeng baksa apsan biapona re·angaha aro uano ia apsan manderangan dongsoenba me·asa bi·sako kae dokaha aro me·chikkoba ia manderang kragija dake dokaha ine police-rang u·iataha.
Ia a·selni bidingo salgipinosa me·chik bi·sa sakgni police-rangna badi ka·eaha aro police-rang, iani bidingo mokordoma ka·enba, dos dakgipa manderangni bidingo am·sandina a·bachengataha ine kobor on·aha.
Indake ong·engon, ia a·selni bidingo Meghalaya BJP Mahila Morcha-ni president Susuki Pariat, Meghalaya High Court-ni Chief Justice-na sedoatenba, dos dakgipa manderangni kosako rakgipa ja·kurangko de·china didiataha.
