Saturday, July 5, 2025
spot_img

PA Sangma Road gita bostu salgipa truck garirangko watjachina NTDF didia

Date:

Share post:

spot_imgspot_img

TURA: Adita salrangna skang, Tura-ni Ballonggre jolo scooty bolsako dumper truck bolsa salgakenba, me·chik bi·sa saksa ja·a samsako gimaatna nangahani gimin Araimile bibraoni dakanggipa PA Sangma Road gita bostu salgipa truck garirangko watjachina New Tura Development Forum (NTDF), West Garo Hills a·jani Deputy Commissioner-ko didiataha.

“Re·anggipa April-ni 20 tariko, dumper truck gari bolsa me·chik bi·sa sakgnini re·angenggipa scooty bolsako Ballonggre jolo salgake a·sel ong·aha aro ia a·sel ong·anichi me·chik bi·sa saksani ja·ako rattonge galna nangao ga·akaha. Ia a·sel ong·ani ja·man, ia rama gita dal·dalgipa truck garirangni re·ruraanina jolo songdongenggipa manderang kenchakaniko paraktokaha. Uni gimin mikkangchi iandakgipa a·selrangko champengna man·na gita PA Sangma Road gita dal·dalgipa truck garirangni re·ruraaniko champengatchina chinga mol·molenga,” ine Deputy Commissioner-na sedoatgipa chittio, NTDF-ni general secretary LC Momin parakataha.

Ia rama gita bostu salgipa garirangni re·ruraanichisan ong·aigija skatang salgipa garirangni a·selba manderangna kenchakna nangani ong·enga ine janapatengon, dal·dalgipa truck garirangna Tura jillao napani aro re·ongkatani somoirangko tarie on·china gita NTDF, Deputy Commissioner-ko didiataha.

“Tura jillani ning·o dal·dalgipa truck garirangni re·ruraanirangchi manderangna aro mongsongbate skulrangchi re·enggipa bi·sarangna kenchakna nanganirang ong·enga. Uni gimin dal·dalgipa truck garirangna Tura jillao napna aro ong·katna somoiko donchina chinga mol·molenga,” ine Momin parakataha.

Ballonggre jolo a·sel ong·anichi duko ga·akenggipa nokdangrangna compensation aro hospital-o sanna banani korosrangko on·china didiatskaengon, Tura jillao iandakgipa a·sel ong·anirangko komiatna gita gari gora salgiparangko mikrakbate nirok sandichina NTDF, West Garo Hills a·jani Deputy Commissioner-ko mol·molataha.

spot_imgspot_img

Related articles

Bangladesh seeks details from Malaysia on 36 nationals arrested for IS links

Dhaka, July 5: Bangladesh on Saturday sought the identities and case details of 36 Bangladeshi nationals recently arrested...

Workshop focuses on vulture conservation; logos unveiled

Guwahati, July 5: Premier biodiversity conservation Aaranyak, in partnership with the Assam Science Technology and Environment Council (ASTEC)...

BRICS nations need to build consensus and balance innovation by reinforcing Global South’s digital sovereignty

New Delhi: BRICS, the developing world's stand-in to the G-7 grouping. was expanded at the Kazan Summit, last...

PM Modi accorded warm welcome by Argentina’s President Milei at historic Casa Rosada

Buenos Aires, July 5: Prime Minister Narendra Modi was warmly received by Argentina's President Javier Milei at the...