TURA: South Garo Hills a·jani Rongara Block ning·o donggipa Halwa Atong Rural Haat-ko Sonibar salo, South Garo Hills a·jani Deputy Commissioner S Awasthi kulie on·angaha.
Ia Halwa Atong Rural Haat-ko NABARD-ni dakchakanichi BAKDIL jako ra·e rikahachim.
Ia Rural Haat-ko kulie on·angani somoio South Garo Hills a·jani Deputy Commissioner, jinmana aganprakangengon, Halwa Atong songo Rural Haat-ko kulie on·ahani gimin NABARD aro Bakdil dolko mittelpilangaha aro an·tangtangni man·gnirangko bariatna gita antio changprak ba antignio changprak dake ia Rural Haat-o bazar cha·china game ge·e cha·giparangko aro self help group (SHG)-ni membor-rangko didiangaha.
Ia Rural Haat-ara songni nokni gam-jinan ong·a ine ia Rural Haat-ko simsak nirokchina aro name jakkalchina gitaba ua songo game ge·e cha·giparangko ku·pattiangaha.
Photo: South Garo Hills a·jani Rongara Block ning·o donggipa Halwa Atong Rural Haat-ko kulie on·angani somoio, South Garo Hills a·jani Deputy Commissioner S Awasthi, jinmana aganprakenga.