Friday, May 9, 2025
spot_img

Ramarango a·sel ong·ani ja·man dumper truck bolgniko wa·al so·chipa

Date:

Share post:

spot_imgspot_img

TURA: Dumper truck garirangni skatang salanichi Tura-ni baditaba dam biaprango a·sel ong·anirangko chagrongani ja·man, Butbar pringwalo, ma·sina man·gijagipa manderang, Tura-ni Bokmagre jolo donggipa dumper truck bolgniko so·chipe galangaha.

Police-rangni u·iatani gitade, ia a·sel ong·ani Butbar pring 3:00 bajimango ong·aha aro ua somoio, rama tarigipa ARSS JSB company-ni manderang, dumper truck garirangko a·tip a·palo donenba nokningo tusitokengachim.

Ia dumper truck garirangko ma·sina man·gijagipa manderang, petrol gita dakgipa bostuchi so·aha ine police-rang chanchichipenga.

Wa·al so·chipanichi truck bolgnioni bolsade chu·gimikan kamgopaha aro bolsakode tong·sasan kamaiaha.

Police-rangni kobor on·ani gita, ia garirangko so·na skang, Tura-chipakna re·angenggipa dumper truck bolgittamko Bokmagre petrol pump sambao dolsa manderang champengsoenba ro·ongrangchi goahachim. Iani bidingo koborko on·atani ja·man police-rang, ia biapona re·bae, saknaa man·gipa dumper driver-rangko sanna gita hospital-ona rimangon, ia apsan dolni manderangan, Bokmagre-o donggipa ARSS-ni a·tipona re·angenba, ua biapo donenggipa dumper truck bolgniko so·e donangskaaha.

Batanggimin somoirango, dumper truck garirangni skatang salanichi Tura-ni dingtang dingtang biaprango a·sel ong·enba bang·a manderangan saknaanirangko man·tokna nangahani gimin Tura jilla gita dumper truck garirangko watjachina dingtang dingtang dolrang dabitokengachim.

Iani bidingo adita salrangna skangsan West Garo Hills a·jani District Administration, dingtangmancha u·iataniko on·atenba, metric ton 9-na bate bostu salgipa garirangkode District Administration-ni permission gri Tura jillao napaniko champengatahachim.

spot_imgspot_img

Related articles

If this escalates further, nobody wins: UK Foreign Secy after speaking with EAM Jaishankar, Pak Foreign Minister

London/New Delhi, May 9: External Affairs Minister (EAM) S. Jaishankar on Friday held a telephonic conversation with the...

Rakhine Corridor — Yunus regime sacrificing Bangladesh’s sovereignty

New Delhi, May 9: The proposed 'Rakhine Corridor' has emerged as another contentious issue in Bangladesh. Some sources...

FM Sitharaman takes stock of steps for cybersecurity at banks amid rising border tensions

New Delhi, May 9: Finance Minister. Nirmala Sitharaman on Friday convened a high-level meeting with the Managing Directors...

New low even for Pakistan: India hits out at Islamabad for targetting religious places

New Delhi, May 9: As Pakistani troops continued resorting to heavy mortar shelling on the Indian side along...