SHILLONG: Security mamlani bidingo ramako tariangna army authority-rang permission-ko on·a ruutatenggipa ong·e Shillong Dawki project-ni ning·o km 2-3-ni kan·dikgipao four lane kam ka·enggipa neng·nikaniko man·enga.
Pakmani a·palo pakmako tariangna 101 biap baksa MOU-o soi ka·angaha jedakode on·gipa pakmako be·atna man·gen aro ua biapko rama a·palbatatna jakkalangna man·gen, ine NHIDCL-ni mande u·iataha.
Indakeba janapataha, four lane ramako tarina namnike ra·bagipana ia biapni a·ako NHIDCL bremanaha.
Koborrangko man·soani gitade, army authority-rang gital pakmako rikna permission-ko on·aha indiba gital pakmko rikna permission-ko on·a uamang ruutatenga.
Ia antini ja·man a·dok sorkari baksa tom·ani somoio NHIDCL baksa bakrimangjaenganina army authority-rangko NHIDCL iani bidingo ja·ku de·anggen, ine parakataha.
“Contractor kamrangko ka·angna man·jaenga aro iako a·palbatatanio kam ka·angna neng·nikaniko man·enga,” ine NHIDCL-ni mande parakataha.
Wachikarirang sokbaenganio project-na rika choani kamrango da·o NHIDCL gisiko nangangenga jekai nala tarianirang aro ugita dakgiparang, ine aganangaha.
Package II-ni gita, iano indake u·iataha jeon a·brirangko choangani kamrangko a·bachengatmanahaoba constractor machinary aro workforce kam ka·gipa manderangko kamo donangaha.
Shillong-Dawki Road Project-ni package 1-o ge·gni bypass jeon kamrangko ka·engahachim man·chapataha.
Package 1-ni kam jean four lane project ong·a, name ka·angna man·engaha.
Ge·sa bypass 3-gipa Mile biaponi re·baenga aro lm 1.9-ni gita bakrogipa ong·gen. Ggnigipa bypass 8-gipa Mile-o tarianggen aro km 2.9 bakrogipa rama ong·gen.
