SHILLONG: Ri Bhoi a·jao Byrnihat-oni Khanapara jolrangona kingking a·arangko niam gri cho·engani a·sel samtangtangna aro jolo songdongenggipa manderangna nangchakeani ong·enga ine badi ka·anirangko man·soahani gimin inquiry-ko dakna gita committee-ko songaha ine Ri Bhoi a·jani Deputy Commissioner Arpit Upadhyaya parakataha.
Ri Bhoi a·jao iandake a·arangko niam gri cho·engani a·sel samtangtango donggipa a·brirang rurongataniko man·na kenchakna nanganirang ong·enga aro ian balwarangko moila ong·atani gitaba ong·engani gimin ian manderangnaba nangchakeaniko ra·baenga ine jolo songdongenggipa manderang, Ri Bhoi a·jani Deputy Commissioner-na badi ka·doangahachim.
Indake ong·engon, manderangni badi ka·anirangko man·soahani gimin iani bidingo sandirokaniko dakchina aro ta·raken report-ko on·china committee-ko songmanaha ine Ri Bhoi a·jani Deputy Commissioner parakataha.
Inquiry-ko dilna gita dingtangmancha magistrate-ko songmanaha ineba ua u·iataha.
Iani bidingo Territorial Forest Department-ni Divisional Forest Officer-onikoba ua report-ko bi·ataha aro report-ko man·soahaon nanga gita ja·kurangko de·anggen ine Upadhyaya parakataha.
 |
ReplyForward
|
