RESUBELPARA: Re·baenggipa May 31 tariko a·gilsak gimikon ‘World No Tobacco Day’-ko manina siengani gimin ia salko manisamsoani bak gita Mongolbar salo, North Garo Hills a·jao donggipa dingtang dingtang skulrang, dingtang dingtang program-rangko ong·atangaha.
Ta·makku jakkalani namgijanirangko manderangna u·iatna gita skulo poraienggipa bi·sarang, lekka pal·takrango seanirangko ra·e re·jomanirangko ong·atangaha aro signature campaign-koba ong·atangaha.
Ia Tobacco Rally ba re·jomaniko dingtang dingtang skulni chatro chatrirang, re·baenggipa May 20 tarikona dakanggen aro mikkangchi dingtang dingtang skulrangba ia rally-ko ong·atanggen ine ka·dongsona man·enga.
Ia program-rangko North Garo Hills a·jani District School Education Office (DSEO)-ni gita ong·atenga.
